Tags-Ishq

ye to dekhā ki mire haath meñ paimāna hai
ye na dekhā ki ġham-e-ishq ko samjhānā hai

sivā qalb-o-jigar ke mumlikat meñ ishq kī kyā hai
agar DhūñDho to ye ujḌe hue do ghar nikalte haiñ

'rashīd' āġhāz-e-ulfat se kahīñ anjām behtar hai
ki bahr-e-ishq ke Duube lab-e-kausar nikalte haiñ

sau fasād ek ishq meñ uTThe
boyā ik tuḳhm uge hazār daraḳht

ba.ad meñ ishq-e-haqīqī bhī mayassar ho to kyā
ye majāzī to hameñ fauran abhī darkār hai

ishq us ḳhvāhish pe merī soch meñ gum ho gayā
mujh ko paanī bhī hai darkār aag bhī darkār hai

raaz ye hai ki na ho raaz se vāqif koī
ishq meñ ham jo phirā karte haiñ dīvāne se

ye ishq kī zāhir ho to hil jaa.eñ do-ālam
juz chand ishārāt nihāñ kuchh bhī nahīñ hai

ishq kī teġh-e-jigar-dār uḌā lī kis ne
ilm ke haath meñ ḳhālī hai niyām ai saaqī

ab ishq se lau lagā.eñge ham
ab dil ke bhī kaam ā.eñge ham

nazar aatā hai āsāñ sab jise dushvār kahte haiñ
tarīq-e-ishq meñ har ek dushvārī hai āsānī

ziist kī talḳhiyāñ al-amāñ phir bhī vo chhīn paa.eñ na mere laboñ se hañsī
ishq tū ne diyā vo ġham-e-shādmāñ ho ke nākām maiñ kāmyāb aa gayā

jab señ laayā ishq ne fauj-e-junūñ
aql ke lashkar meñ bhāgā bhaag hai

kuchh sila hī na milā ishq meñ jal jaane kā
sham.a ne luuT liyā soz bhī parvāne kā

dil ke maraz kā ab nahīñ duniyā meñ kuchh ilaaj
ye ishq-e-lā-davā hai mujhe maar dījiye

na milā par na milā ishq ko andāz-e-junūñ
ham ne majnūñ kī bhī āshufta-sarī dekhī hai

ishq meñ zehn ko taklīf na dī dil kī sunī
ham usī vāste anjām nahīñ jānte haiñ

yahī hai dil kī halākat yahī hai ishq kī maut
nigāh-e-dost pe iz.hār-e-bekasī ho jaa.e