Tags-Ishq

safar bhī merā thā aur gard-bād mere the
vo ishq merā thā aur imtihāñ bhī mere the

nuqte pe tere ḳhaal ke bāñdhā hai jin ne dil
vo dā.ere meñ ishq ke sābit-qadam huā

ishq to ruḳhsat huā majnūñ ke saath
kis liye lailā kī shohrat hai yahāñ

ishq hai bāzī-gar-e-mulk-e-adam
husn bhī kufrān-e-ne.amat hai yahāñ

vo ishq-e-sādiq kī paak manzil vo ka.aba-o-dair ke marāhil
mile the raste meñ ham ko do ghar idhar se jaate udhar se aate

ishq kī lazzatoñ se huuñ vāqif
dard-o-āh-o-fuġhāñ samajhtā huuñ

jis qadar paas thī pūñjī use ham kho baiThe
ishq meñ 'nūh' ga.ī daulat-e-ābā.ī bhī

dard-e-dil umr-bhar nahīñ hotā
ishq tum se agar nahīñ hotā

ishq jab daḳhl kare hai dil-e-insāñ meñ 'muhib'
vāhime sab bashariyyat ke kare hai iḳhrāj

yā saañs kā lenā bhī guzar jaanā hai jī se
yā mārka-e-ishq bhī ik khel thā dil ko

ishq meñ tere koh-e-ġham sar pe liyā jo ho so ho
aish-o-nishāt-e-zindagī chhoḌ diyā jo ho so ho

aql ke madrase se ho ishq ke mai-kada meñ aa
jām-e-fanā va be-ḳhudī ab to piyā jo ho so ho

ye mohabbat kā sila thā ishq kā anjām thā
phuul kā hañsnā hī us kī maut kā paiġhām thā

Thokareñ khāte ga.e lab par tumhārā naam thā
hashr kā manzar thā rāh-e-ishq meñ jo gaam thā

aap kyuuñ aañsū bahā.eñ mere hāl-e-zār par
ishq kā niklā vahī anjām jo anjām thā

ishq chaltā hai tā-abad lekin
zindagī saath chhoḌ jaatī hai

bas ek vaar meñ duniyā ne kar diye TukḌe
mirī tarah se mirā ishq bhī nihattā thā

kuchh harf o suḳhan pahle to aḳhbār meñ aayā
phir ishq mirā kūcha o bāzār meñ aayā