Tags-Ishq

ishq kyā jaane zāhid-e-be-maġhz
Dhañg ye umr-bhar nahīñ aatā

bil-āḳhir thak haar ke yaaro ham ne bhī taslīm kiyā
apnī zaat se ishq hai sachchā baaqī sab afsāne haiñ

nairañg-e-ishq aaj to ho jaa.e kuchh madad
pur-fan ko ham kareñ mutahayyar kisī tarah

paḌh chuke husn kī tārīḳh ko ham tere ba.ad
ishq aage na baḌhā ek qadam tere ba.ad

ye ḳhatā-e-ishq kī dī sazā ki mizha se mardum-e-chashm ne
mirā dil dikhā ke ye kah diyā ise lo ye qābil-e-dār hai

kabhī ḳhirad kī khulī dhuup meñ chalā aayā
kabhī maiñ ishq ke saa.e meñ jā ke baiTh gayā

Duub jā bahr-e-amīq-e-ishq meñ
yuuñ na hargiz le sakegā thaah tū

mujh ko ishq aur duniyā donoñ dekhne haiñ
saanī khīñch bhī luuñ to uulā jaatā hai

ishq phir ishq hai jis ruup meñ jis bhes meñ ho
ishrat-e-vasl bane yā ġham-e-hijrāñ ho jaa.e

tumhāre ishq meñ tum se judā judā rah kar
ġham-e-firāq ke māroñ se baat kartā huuñ

husn-e-be-parvā ko de kar dāvat-e-lutf-o-karam
ishq ke zer-e-nagīñ phir har do aalam kījiye

ka.aba bhī ham ga.e na gayā par butoñ kā ishq
is dard kī ḳhudā ke bhī ghar meñ davā nahīñ

juz jurm-e-ishq koī bhī sābit kiyā gunāh
nāhaq hamārī jaan lī achchhe ho vaah vaah

nāhaq ulajh paḌā hai ye mujh se tarīq-e-ishq
jaatā thā 'mīr' meñ to chalā apnī raah raah

gul-e-bāġh-e-junūñ hai rusvā.ī
izzat-e-mulk-e-ishq ḳhvārī hai

haiñ lākhoñ rog zamāne meñ kyuuñ ishq hai rusvā be-chārā
haiñ aur bhī vaj.heñ vahshat kī insān ko rakhtīñ dukhiyārā

gar ishq kiyā hai tab kyā hai kyuuñ shaad nahīñ ābād nahīñ
jo jaan liye bin Tal na sake ye aisī bhī uftād nahīñ

aaj bhī log ishq karte haiñ
sāmne kī misāl hote hue

ishq meñ dard se hai hurmat-e-dil
chashm ko aabrū hai aañsū se

pāmāl-e-rāh-e-ishq haiñ ḳhilqat kī khā Thokar bhī ham
juuñ shīsha nāzuk-tar the kyā saḳhtī meñ haiñ patthar bhī ham