Tags-Ishq

'irfān' mānñe meñ ta.ammul tujhe hī thā
maiñ ne to ye hamesha kahā hai, ye ishq hai

maiñ dīn-e-ishq meñ tauhīd kā jo qaa.il huuñ
to mo.ajaza ye tire husn-e-be-panāh kā hai

yā dair hai yā ka.aba hai yā kū-e-butāñ hai
ai ishq tirī fitrat-e-āzād kahāñ hai

jo kaif-e-ishq se ḳhālī ho zindagī kiyā hai
shaguftagī na mile jis meñ vo kalī kyā hai

josh-e-junūn-e-ishq kā sāmāñ badal gayā
dāmāñ pe haath thā ki garebāñ badal gayā

ishq meñ kaun kāmyāb huā
ishq jis ne kiyā ḳharāb huā

ishq kī duniyā meñ kyā kyā ham ko sauġhāteñ milīñ
suunī sub.heñ rotī shāmeñ jāgtī rāteñ milīñ

ishq ko fikr-o-shu.ūr-e-zindagī darkār thā
aur use nā-puḳhta zehnoñ kī karāmāteñ milīñ

ishq ke qisse ko ham saada samajhte the magar
jab varaq ulTe to āñkheñ saḳht hairāñ ho ga.iiñ

dil jab se dard-e-ishq ke qābil nahīñ rahā
ik nāgavār chiiz hai ab dil nahīñ rahā

sun sun ke ahl-e-ishq-o-mohabbat ke vāqi.āt
duniyā kā koī kaam bhī mushkil nahīñ rahā

phir is ke ba.ad tire ishq ko lagāyā gale
har ek saañs ko apne liye azaab kiyā

ham se is ishq-e-majāzī kī haqīqat pūchho
ke ye but jab nahīñ milte to ḳhudā miltā hai

ishq meñ ai mubassirīn-e-kirām
yahī taknīk kaam aatī hai

ajab haiñ ishq kī nāzuk-mizājiyāñ ya.anī
bujhā charāġh-e-mohabbat to phir jalā hī nahīñ

saudā tumhāre ishq kā jis din se sar meñ hai
sāre-jahāñ kā dard hamāre jigar meñ hai

koī ishq kī tujh ko jaan kahe koī dil kā tujhe armān kahe
dil vāloñ kī is bastī meñ tujhe aur bhī kyā kyā kahte haiñ

tū laakh chhupā.e ishq magar chehre se ayaañ ho jaatā hai
kahne vaale to duniyā meñ mujhe aaj bhī terā kahte haiñ

husn kī jitnī zamīñ hotī hai nā-qābil-e-kāsht
ishq paidā kiyā kartā hai sadā sab meñ anaaj

ab tū jo chāhe kare ishq-e-vatan meñ ai 'shauq'
husn kuchh bol nahīñ saktā hai de kar saurāj