Tags-Ishq

ishq vo shai hai ki barfīle nihāñ-ḳhānoñ meñ
sard paḌ jaa.e sharar-bār to jab bhī hogā

ik parī kā phir mujhe shaidā kiyā
ishq ne phir mufsida barpā kiyā

ḳhaak chhānī muddatoñ tinke chune
kyā kahūñ is ishq meñ kyā kyā kiyā

ma.arke meñ ishq ke sarkā na paañv
aabrū ko jaan ko sadqa kiyā

ishq afshān-e-jabīn-e-yār meñ
ḳhaak chhalnī kī tarah chhānā kiyā

thā munāsib tark-e-ishq-e-yār 'rind'
aap ne ansab kiyā aulā kiyā

tire dil pe haq hai jahāñ kā bhī ye farār-e-ishq ravā nahīñ
ġham-dost ḳhuub hai jab talak ġham-e-zindagī ko bhulā na de

vo ḳhudā-e-husn hī kyuuñ na ho koī shai hai ġhairat-e-ishq bhī
jo tirī sadā pe khule na dar vo khule bhī jab to sadā na de

sab daulat-e-kaunain jo dī ishq ke badle
is bhaao ye saudā mujhe sastā nazar aayā

manzileñ ishq kī āsāñ huiiñ chalte chalte
aur chamkā tirā naqsh-e-kaf-e-pā āḳhir-e-shab

ham vo the dil hī dil meñ kiyā zabt-e-rāz-e-ishq
sadme uThā ke mar ga.e muñh se na aah kī

sa.i-e-be-fā.eda hai chāragaro
maraz-e-ishq kī davā hī nahīñ

kaam farzāna-e-duniyā kā nahīñ ai nāseh
parcham-e-ishq zamāne meñ uThā.e rakhnā

ḳhālī sharāb-e-ishq se sāġhar kabhī na the
aise to ḳhushk dal ke samundar kabhī na the

fāriġh mujhe na jaan ki mānind-e-sub.h-o-mehr
hai dāġh-e-ishq zīnat-e-jeb-e-kafan hunūz

duniyā se dar-guzar ki guzargah ajab hai ye
darpesh ya.anī 'mīr' hai jaanā jahāñ se bhī

ishq meñ sau balā.eñ liiñ sar par
apne haq meñ ḳhud āsmāñ huuñ maiñ

duniyā kī āb-o-tāb se aage chale ga.e
ham ishq ke azaab se aage chale ga.e

ishq kī jañg meñ miyāñ ye hī usuul hai bajā
haath meñ us ke teġh ho aap ke Dhaal bhī nahīñ

ishq tere ne ujāḌā merā dil
ġhair kī ulfat uge mumkin nahīñ