Tags-Ishq

ba-iltihāb-e-tamannā-e-dīd-e-hāsil-e-ishq
dhuāñ sā az-jigar-e-laḳht-laḳht uThne lagā

maiñ shurū-e-ishq meñ hal karne vaalā thā ise
mas.ala rūh-o-badan kā itnā pechīda na thā

pyaar kī har ik rasm ki jo matrūk thī maiñ ne jaarī kī
ishq-labāda tan par pahnā aur mohabbat taarī kī

ye niiñd kā jhoñkā to nahīñ be-ḳhudī-e-ishq
hushyār ki vo ḳhvāb-e-girāñ aur hī kuchh hai

bijlī ke chamakne meñ kahāñ ishq kī garmī
vo shola-e-larzāñ-o-tapāñ aur hī kuchh hai

be-vāsta-e-ishq bhī rañg-e-ruḳh-e-parvez
unvān hai farhād kī ḳhūnīñ-jigarī kā

apne hamrāh jo aate ho idhar se pahle
dasht paḌtā hai miyāñ ishq meñ ghar se pahle

ishq pahle bhī kiyā hijr kā ġham bhī dekhā
itne taḌpe haiñ na ghabrā.e na tarse pahle

yā husn hai nā-vāqif-e-pindār-e-mohabbat
yā ishq hī āsānī-e-atvār meñ gum hai

ghaTte ghaTte meñ rahā ishq-e-kamar meñ aadhā
jāma-e-tan ko mire chāhiye niimā kahnā

karūñ kyā bayān maiñ vasf ab mai-e-nāb-e-ishq kā dosto
ki ḳhudī kī qaid se yak-qalam ba-ḳhudā ki mujh ko chhuḌā diyā

aap ke ishq meñ ham se to zamāna chhūTā
tum se afsos na ik ġhair kā milnā chhūTā

sun ke mere ishq kī rūdād ko
log bhūle qais ko farhād ko

kūcha-e-yār meñ rahne se nahīñ aur husūl
ishq hai mujh ko ik us ke dar-o-dīvār ke saath

mujh ko Dar hai ki na ban jaa.e qayādat kā sabab
aap ke ishq kā iqrār kiyā hai ham ne

aap ke ishq kā iqrār kiyā hai ham ne
ham haiñ aur marhala-e-dār ḳhudā ḳhair kare

'aman' ham to faqīr-e-ishq Thahre
faqīrī meñ ḳhasāra fā.eda kyā

jāgnā ishq meñ har ek kī taqdīr nahīñ
niiñd qurbān ho jis par ye vo bedārī hai

ik taġhāful se huā ishq kā dil ko ehsās
us kī ġhaflat kā natīja mirī hushyārī hai

mātam-e-ishq se fursat nahīñ miltī hai 'sabā'
roz-o-shab apnī umīdoñ ko azā-dārī hai