Tags-Izhar

abhī khulne ko hai dar āsmāñ kā
abhī iz.hār kā pyāsā bashar hai

apne is jurm pe iz.hār-e-nadāmat kaisā
dasht-e-pur-ḳhār ko gulzār na kahnā aayā

kyā uslūb chuneñ kis Dhab iz.hār kareñ
Tiis na.ī hai dard purānā lagtā hai

girnī thī ham pe barq-e-tajallī na tuur par
dete haiñ baada zarf-e-qadah-ḳhvār dekh kar

uf re un ke jamāl kā aalam
mujh se iz.hār-e-mudda.ā na huā

kahne ko to kyā kyā na dil-e-zār meñ aa.e
har baat kahāñ qālib-e-iz.hār meñ aa.e

pūchhe ḳhudā sabab jo mire ishtiyāq kā
merī zabāñ se ho yahī iz.hār dekhnā

ik thakan quvvat-e-iz.hār meñ aa jaatī hai
vaqt ke saath kamī pyaar meñ aa jaatī hai

jaan dete haiñ magar iz.hār ham karte nahīñ
ya.anī tash.hīr-e-salīb-o-dār ham karte nahīñ

baat jo dil meñ chhupāte nahīñ bantī 'hālī'
saḳht mushkil hai ki vo qābil-e-iz.hār nahīñ

kyā vasīla ho mire iz.hār kā
lafz huuñ gūñgī zabānoñ meñ rahūñ

iz.hār hai dard-e-dil kā 'bismil'
ilhām na shā.irī fusūñ hai

iz.hār se buland hai maiñ ne batāyā ishq
bolā maze haiñ is ko jatāne ke aur bhī

fajar uTh yaar kā dīdār karnāñ
shab-e-hijrāñ kā dukh iz.hār karnāñ

lafz us shoḳh kā muñh dekh ke rah jaate haiñ
lab-e-iz.hār kī hasrat nahīñ dekhī jaatī

dil pe kuchh aur guzartī hai magar kyā kiije
lafz kuchh aur hī iz.hār kiye jaate haiñ

kyā kyā na paḌhā is maktab meñ, kitne hī hunar sīkhe haiñ yahāñ
iz.hār kabhī āñkhoñ se kiyā kabhī had se sivā bebāk huā

kuchh vahshat-e-iz.hār lahū shāḳh pe laa.ī
kuchh raas gul-e-zaḳhm ko ye āb-o-havā hai

lab the ḳhamosh ḳhauf se iz.hār-e-ishq ke
par āñsuoñ ko mere kisī kā bhī Dar na thā

iz.hār-e-mohabbat kī talab dil meñ liye huuñ
tanhā jo mile terī sahelī to batā.ūñ