Tags-Jalwa

vahī fasurda sā rañg-e-mahfil vahī tirā ek aam jalva
mirī nigāhoñ meñ baar sā thā mirī nigāhoñ meñ baar sā hai

gar kahīñ us ko jalva-gar dekhā
na gayā ham se aañkh bhar dekhā

hamī jalva dikhāte haiñ hamī shoḳhī nigāhoñ se
nahīñ hotā asar phir bhī sharārat vo nahīñ karte

hai jo rañg us kī jalva-gāhoñ meñ
dekhtā huuñ vahī nigāhoñ meñ

ab na dikhānā tābish-e-jalva
ab āñkhoñ meñ jaan nahīñ hai

vo jo firdaus-e-nazar hai ā.īna-ḳhāna abhī
jalva-gar jo vo na hoñ ho jaa.e vīrāna abhī

nuur āñkhoñ meñ usī kā jalva ḳhud nūr-e-muhīt
diid kyā hai kuchh talātum meñ hujūm-e-nūr hai

har shai meñ hai us kā jalva
kasrat meñ hai vahdat kaisī

chale aa.e muusā ko jalva dikhāne
qayāmat se pahle mulāqāt kar lī

koī āvāz hai vo koī saaz hai us se hī rañg-o-nik.hat kā dar baaz hai
jis taraf ho nazar vo rahe jalva-gar kaise socheñge ham phir kisī ke liye

kisī kī āh-e-sozāñ kā dhuāñ gardūñ pe raqsāñ hai
kisī kā ḳhūn-e-dil rañg-e-shafaq meñ jalva-afshāñ hai

tasavvur se bhī un kī jalva-sāmānī nahīñ jaatī
paḌe haiñ laakh parde phir bhī uryānī nahīñ jaatī

juuñ ibrat-e-kor jalva-gar huuñ
albatta kuchh huuñ maiñ par kidhar huuñ

sañg-e-dar-e-habīb ko ka.aba banā na luuñ
jalva samajh ke husn-e-fareb-e-nazar ko maiñ

jalva zār-e-ātish-e-dozaḳh hamārā dil sahī
fitna-e-shor-e-qayāmat kis ke āb-o-gil meñ hai

maiñ to kyā us se to muusā bhī na sar-bar aa.e
imtihānan hameñ jalva na dikhānā hargiz

nīstī jalva-gar hai hastī meñ
kuchh adam kā mire vajūd nahīñ

idhar hī tishna-e-dīdār kam haiñ
udhar to jalva-sāmānī bahut hai

āñsuoñ meñ bhī tirā jalva huvaidā chāhiye
ġham ke tūfānoñ meñ sirf itnā sahārā chāhiye