Tags-Jalwa

hamārī mahfiloñ meñ be-hijāb aane se kyā hogā
nahīñ jab hosh meñ ham jalva farmāne se kyā hogā

hayā kī bahāreñ haiñ ra.anā.iyoñ par
ye jalva hai mastī hai joban hai kyā hai

husn jab tak na jalva-gar hogā
donoñ aalam dhuāñ-dhuāñ hoñge

har zarre meñ hai jalva har ik qatre meñ hai aab
hai arsh pe chhā.ī huī tanvīr kisī kī

jalva-farmā der tak dil-bar rahā
apnī kah lī sab ne maiñ shashdar rahā

kaam kartā hai tasavvur kaam aatī hai nazar
be-sabab hotī nahīñ hai jalva-ārā.ī kī baat

ḳhalvat meñ huā jalva safar meñ bhī vatan hai
āfāq meñ anfus hai ūlul-azm-e-kamālāt

fusūn-e-jalva-garī kā koī asar na huā
ba-qaid-e-hosh tirī anjuman se nikle haiñ

jalva-numā.ī be-parvā.ī haañ yahī riit jahāñ kī hai
kab koī laḌkī man kā darīcha khol ke bāhar jhāñkī hai

meñ tāroñ kī chhāñ aan pahuñchī yahāñ tak
zamīñ se hai jalva mirā āsmāñ tak

zarra zarra jagmagātī jalva-bārāni-e-dost
dekhte haiñ rauzan-e-dīvār hairānī se ham

maiñ koī muusā nahīñ jo dekh kar aa jaave ġhash
gar nahīñ bāvar mujhe jalva dikhā kar dekh lo

sa.ī-e-paiham hai tarāzu-e-kam-o-kaif-e-hayāt
terī mīzāñ hai shumār-e-sahar-o-shām abhī

tamannā-e-dīdār hai hasrat-e-dil ki tum jalva-farmā ho maiñ āñkheñ sekūñ
na kah denā muusā se jaise kahā thā mirī arz par lan-tarānī kaho to

jalva o dil meñ farq nahīñ jalve ko hī ab dil kahte haiñ
yaanī ishq kī hastī kā āġhāz to hai anjām nahīñ

jis ke ā.īne meñ lākhoñ rañg the jalva-fagan
ḳhvāb sā vo lamha-e-aish-e-farāvāñ ho gayā

vo shoḳhiyoñ se jalva dikhā kar to chal diye
un kī ḳhabar ko jā.ūñ ki apnī ḳhabar ko maiñ

aisā bhī ek jalva thā us meñ chhupā huā
us ruḳh pe dekhtā huuñ ab apnī nazar ko maiñ

na vo ḳhum meñ baade kā josh hai na vo husn jalva-farosh hai
na kisī ko raat kā hosh hai vo sahar ki shab kā gumāñ nahīñ

parda bhī jalva ban jaatā
aañkh tajallī-sāz kahāñ hai