Tags-Jalwa

aayā jo nazar husn-e-ḳhudā-dād kā jalva
but ban gayā muñh dekh ke har barahman un kā

uThā hī deñge naqāb apnī dikhā hī deñge vo apnā jalva
nibhegī kab tak ye lan-tarānī ye lan-tarānī hai aur ham haiñ

kam nahīñ jalvagarī meñ tire kūche se bahisht
yahī naqsha hai vale is qadar ābād nahīñ

chilman kā ulaT jaanā zāhir kā bahāna hai
un ko to bahar-sūrat ik jalva dikhā jaanā

tirī yaad jo mere dil meñ hai bas usī kī jalvagarī rahī
mirā ġham bhī tāza-ba-tāza hai mirī shāḳh-e-fan bhī harī rahī

usī shām-e-marg kī tīrgī meñ haiñ jalva-hā-e-hayāt bhī
unhīñ zulmatoñ ke hijāb meñ ye chamak ye raqs-e-sharar bhī hai

maiñ jabhī tak thā ki terī jalva-pairā.ī na thī
jo numūd-e-haq se miT jaatā hai vo bātil huuñ maiñ

husn kī fitrat-e-ma.asūm thī pāband-e-hijāb
ishq se siikh liyā jalva-numā ho jaanā

hujūm-e-jalva se jis raah par charāġhāñ thā
jo bujh ga.ī hai to us raah se guzarnā kyā

vahī shauq-e-rāh hai rahnumā vahī jalva-gāh hai ruḳh-kushā
vahī bazm-e-nāz hai jā-ba-jā vahī har qadam pe maqām hai

kal shaam lab-e-bām jo vo jalva-numā thā
kis shauq se maiñ duur khaḌā dekh rahā thā

nairañgiyāñ tirī haiñ huī jaise jalva-gar
hosh-o-havās-o-aql-e-rasā jumla haiñ ye dañg

kaun hai ye harīf-e-sho.ala-e-tūr
ai maiñ qurbān jalva-gar ho tum

qaid botal meñ haiñ ajab jalva
aaj botal tamām piite haiñ

ḳhudā jaane ye duniyā jalva-gāh-e-nāz hai kis kī
hazāroñ uTh ga.e lekin vahī raunaq hai majlis kī

vo sub.h o shaam mirī ruuh meñ haiñ jalva-numā
dil-e-figār o alam-āshnā meñ rahte haiñ

dair meñ ka.abe meñ maiḳhāne meñ aur masjid meñ
jalva-gar sab meñ mirā yaar hai allāh allāh

na dasht-e-aiman meñ zikr us kā na tuur hī par kabhī ye chamkā
na ho nazar meñ jo terā jalva to mehr ko duuñ ḳhitāb-e-āriz

milī na fursat jahāñ ho ġhash se uThī jo kuchh bhī naqāb-e-āriz
magar samajhte nahīñ abhī tak tum apnā jalva hijāb-e-āriz

nazar fazā hai jahāñ hai jalva tumhārā ehsān sab pe hogā
uThāo aariz se tum jo parda to ghaT na jā.egī tāb-e-āriz