Tags-Jalwa

bahār-e-jalva-gah-e-yār terā kyā kahnā
adam se aa.e haiñ hastī meñ tālibān-e-hayāt

jalva-farosh aap haiñ maiñ dil-farosh huuñ
aisoñ se kyā banegā ye saudā hī aur hai

tujh bin nahīñ ye jalva-numā shab ko māhtāb
chashm-e-falak safed hue intizār meñ

na jaane merī nazar hī nahīñ hai jalva-shanās
na jaane tere hī jalvoñ meñ kuchh kamī hai abhī

ab kaun phir ke jaa.e tirī jalva-gāh se
o shoḳh chashm phūñk de barq-e-nigāh se

ye fareb-e-jalva hai sar-ba-sar mujhe Dar ye hai dil-e-be-ḳhabar
kahīñ jam na jaa.e tirī nazar inhīñ chand naqsh o nigār par

kal ke lamhe aaj ke lamhoñ meñ mudġham ho ga.e
dekhnā ā.ankhoñ meñ ab jalva-numā tahrīk hai

ye bhī koī tuur se Tuk jalva dikhā chhup jaanā
aur bhī log haiñ tarsāne ko kyā ham hī haiñ

hijābāt-e-jahāñ se har adā chhan chhan kī aatī hai
ġharaz parde se un kī jalva-sāmānī nahīñ jaatī

gilā hai mire shauq-e-jalva ko un se
vo jalve ko parda banā.e hue haiñ

dil ko kis bū-qalamoñ jalve ne hai ḳhuun kiyā
ashk ā.ankhoñ se jo ye rañg-ba-rañg aate haiñ

jalva-sāmāñ hai rañg-o-bū ham se
is chaman kī hai aabrū ham se

do laḳht huā huuñ maiñ tirī jalvagarī se
aisī hai chakāchaund ki saa.e se judā huuñ

jalva be-māya sā thā chashm-o-nazar se pahle
ziist ik hādsa thī qalb-o-jigar se pahle

terā kahāñ jamāl kahāñ jalva-gāh-e-tūr
muusā na phir na dekh liyā sar se paañv tak

hama-tan jalvā-fishāñ māh-o-charāġhāñ kī tarah
kaun aayā dil-e-pur-shauq meñ mehmāñ kī tarah

hoñge vo jalva-gar kabhī na kabhī
ā.eñge baam par kabhī na kabhī

jo ruḳh se parda uThāo to koī baat bane
hameñ bhī jalva dikhāo to koī baat bane

tujhī ko jo yaañ jalva-farmā na dekhā
barābar hai duniyā ko dekhā na dekhā

dast-e-ḳhirad se parda-kushā.ī na ho sakī
husn-e-azal kī jalva-numā.ī na ho sakī