Tags-Jannat

us kī rañgīn qurbatoñ ke sabab
raat jannat-numā mirā ghar thā

pūchhā ki dozaḳh kī jalan bole ki soz-e-dil tirā
pūchhā ki jannat kī phaban bole tarah-dārī mirī

ghar se nikle hue beToñ kā muqaddar ma.alūm
maañ ke qadmoñ meñ bhī jannat nahīñ milne vaalī

maiñ nahīñ kahtā magar maiñ ne sunā hai bārhā
jannat-ul-firdaus kī ik raah maiḳhāne meñ hai

mujh ko jannat se koī matlab na kausar se ġharaz
mere hisse kī vahī mai hai jo paimāne meñ hai

terā dozaḳh bhī hai terī jannat bhī hai
tū jidhar bhej degā udhar jā.eñge

ek jannat ke liye itnā alam shaiḳh-e-haram
kaash hotī tirī qismat meñ ḳharābāt kī raat

phir gulshan-e-jannat kī na ho aarzū us ko
maskan hai agar kūcha-e-jānāna kisī kā

fil-haqīqat ye bhī kam gulzār-e-jannat se nahīñ
hūreñ phirtī haiñ sar-e-bāzār qiasar-bāġh meñ

galī meñ us kī na phir aate ham to kyā karte
tabī.at apnī na jannat ke darmiyān lagī

mazāq-e-ham-zabānī ko na tarsūñ bāġh-e-jannat meñ
koī 'sīmāb' hūroñ ko sikhā detā zabāñ merī

ham aajiz aa ga.e ab nāseh-o-mullā kī bātoñ se
jinheñ hai ḳhabt jannat kā unheñ to bas ḳhudā pahuñche

maskan huā hai merā jab siiñ tirī galī meñ
ai gul-ezār tab siiñ jannat kī niiñ tamannā

rashk-e-jannat ban gayā thā aap ke aane se ghar
ho gayā dozaḳh se bad-tar phir chale jaane ke ba.ad

merī maañ to mirī jannat ko liye baiThī hai
aisā kar lo mire purkhoñ kī duā tum rakh lo

parvāna-e-jannat hameñ dilvāte haiñ kyuuñ aap
kah to diyā sau baar ki jā.eñge nahīñ ham

vo dil ke dard kī ḳhushbū kā aalam hai ki mat pūchho
tumhārī yaad meñ ye umr jannat meñ guzārī hai

be-naqd-e-amal jannat kī talab kyā shai haiñ janāb-e-vā.iz bhī
muTThī meñ nahīñ haiñ dām-o-diram bāzār kī bāteñ karte haiñ

gul-hā-e-husn-e-yār meñ dāman-kash-e-nazar
maiñ ab harīs-e-gulshan-e-jannat nahīñ rahā

mire habīb mirī āḳhirat ke ai zāmin
mire nasīb kī jannat hai ḳhāk-e-pā meñ tirī