Tags-Justaju

tire baġhair mere hausle zavāl-pazīr
tire baġhair mirī justujū kī vīrānī

mirī nazar se tirī justujū ke sadqe meñ
ye ik jahāñ hī nahīñ saiñkaḌoñ jahāñ guzre

vo hasīn chehroñ kī bhiiḌ thī ki nazar bhaTaktī hī rah ga.ī
tirī justujū kā nasha thā jo kisī moḌ par vo utar gayā

be-zarūrat ye hāo-hū kab tak
vo nahīñ hai to justujū kab tak

tamām din rahī saa.e kī justujū 'shahzād'
huī hai raat to āñkheñ talāsh karte ho

ādmiyat ke sivā jis kā koī maqsad na ho
umr bhar us aadmī kī justujū karte raho

be-junūñ chaltā nahīñ hai kār-e-tāmīr-e-hayāt
hosh vaalo āgahī kī justujū karte raho

jis pe ho saaqī ba-zom-e-hosh-mandī bhī fidā
us mukammal be-ḳhudī kī justujū karte raho

zulmatoñ meñ raushnī kī justujū karte raho
zindagī bhar zindagī kī justujū karte raho

shart-e-irfān-e-ḳhudā 'anvar' hai ḳhud apnī talāsh
yuuñ to karne ko kisī kī justujū karte raho

yahāñ hai bekār us kī hasrat yahāñ kī vo chiiz hī nahīñ hai
kare vo rāhat kī justujū kyuuñ jo is jahān-e-ḳharāb meñ hai

manziloñ tak manziloñ kī aarzū rah jā.egī
kārvāñ thak jaa.eñ phir bhī justujū rah jā.egī

mire safīne ko sāhil kī justujū hī nahīñ
sitam ye hai kisī tūfāñ kā intizār bhī hai

shab se sahar se shaam se pichhle pahar se duur
har justujū hai jaise guzar se basar se duur

lutf zindagānī kā shauq-e-ārzū meñ hai
jazba-o-junūñ meñ hai sa.ī-o-justujū meñ hai

vo sarāpā tirā vo tire ḳhāl-o-ḳhad merī yādoñ meñ sab muntashir ho ga.e
lafz kī justujū meñ laraztā huā nīm-vā sā faqat ik dahan rah gayā

huuñ ḳhār-e-rāh tak gulshan-ba-dāmāñ
agar tū hī ma.āl-e-justujū ho

justujū ne dost āḳhir justujū-e-dost hai
rahrav-e-rāh-e-talab gum-karda-e-manzil sahī

mahdūd jin kī dair-o-haram tak thī justujū
hotā nasīb un ko tirā āstāñ kahāñ

na pata sañg-e-nishāñ kā na ḳhabar rahbar kī
justujū meñ tire dīvāne yahāñ tak pahuñche