Tags-Justaju

dhulī dhulī fazā meñ ho ga.ī abas vo justujū
ki manzar-e-nazar-navāz to pas-e-ġhubār thā

tilism-ḳhāna-e-hasrat meñ gardisheñ kab tak
vo ism de ki ho āseb-e-justujū bātil

mujhe ye justujū rakhtī hai hairāñ
ki maiñ sahbā huuñ yā sahbā-numā huuñ

kahīñ surāġh-e-ḳhulūs-o-vafā agar miltā
to apnī zaat ko ham vaqf-e-justujū karte

zindagī kī rāhateñ miltī nahīñ miltī nahīñ
zindagī kā zahr pī kar justujū meñ ghūmiye

na jaane kis kī rahī justujū 'ziyā' ham ko
ki ham ne ik dil-e-ḳhāna-ḳharāb bhī jhelā

ravāñ rahtā hai kis kī mauj meñ din raat tū paanī
tujhe kis gauhar-e-nāyāb kī hai justujū paanī

mujhe le jaa.e jo manzil kī jānib
ab aise kārvāñ kī justujū hai

agar ye jānte ham bhī unhīñ kī sūrat haiñ
kamāl-e-shauq se apnī hī justujū karte

judā vo hote to ham un kī justujū karte
alag nahīñ haiñ to phir kis kī aarzū karte

kamāl-e-josh-e-talab kā yahī taqāza hai
hameñ vo DhūñDte ham un kī justujū karte

pā-e-talab us kī justujū meñ
yaañ tak phire dar-ba-dar ki TuuTe

abhī hameñ kisī manzil kī justujū hī nahīñ
safar barā.e-safar iḳhtiyār karte haiñ

ab kisī aur kī talāsh nahīñ
hai ḳhud apnī hī justujū mujh ko

kisī ke haath lagā kab vo māhtāb-badan
ka.ī jiyāle vahīñ justujū meñ ḳhaak hue

tire sahrā-navardoñ kā mazāq-e-justujū tauba
ġhubār-e-rāh ko ye parda-e-mahmil samajhte haiñ

tajziya dil-nashīñ ḳhayāloñ kā
hai ġhazāloñ kī justujū karnā

pā sakeñge na umr bhar jis ko
justujū aaj bhī usī kī hai

bahut girāñ hai mire shab-o-roz par ye rañg-e-visāl 'sājid'
magar vahī be-kalī hai dil kī dimāġh ko justujū vahī hai

kab se bhaTak raheñ haiñ tirī justujū meñ ham
apnī koī zamīñ koī aflāk bhī nahīñ