English
Favourite
Favourite
UrduShayarUrduShayar
Expand menu
Sign inAccount

Tags-Kashti

kabhī kashtī pe koī bādbāñ maiñ ne nahīñ rakkhā
uḌānoñ ke liye merī koī shahpar nahīñ aayā
Ghazal
 koi ilzam mere nam mere sar nahin aaya
jis pe dār-o-madār-e-kashtī thā
Dor vo bādbān se TuuTī
Ghazal
 aas husn-e-guman se TuTi
maiñ agar tūfān se bach bhī gayā to kyā huā
merī kashtī ko bhañvar meñ nā-ḳhudā le jā.egā
Ghazal
 aadmi KHud ko bhala kaise bacha le jaega
koī kashtī meñ tanhā jā rahā hai
kisī ke saath dariyā jā rahā hai
Sher
 koi kashti mein tanha ja raha hai
aisī kashtī kā Dūbnā achchhā
ki jo dushman ko nāḳhudā kahiye
Ghazal
 na-rawa kahiye na-saza kahiye
dekhā to phir vahīñ the chale the jahāñ se ham
kashtī ke saath saath kināre chale ga.e
Ghazal
 aae the un ke sath nazare chale gae
kashtī taḌap ke halqa-e-tūfāñ meñ rah ga.ī
dekho to kitnī duur kināre chale ga.e
Ghazal
 aae the un ke sath nazare chale gae
us fan ke pahalvānoñ se kashtī rahī hai 'mīr'
bahutoñ ko ham ne zer kiyā hai pachhāḌ kar
Ghazal
 ghusse se uTh chale ho to daman ko jhaD kar
mujhe is kāġhzī kashtī pe ik andhā bharosā hai
ki tūfāñ meñ bhī gahre pāniyoñ se Dar nahīñ lagtā
Ghazal
 mujhe in aate jate mausamon se Dar nahin lagta
badan kashtī bhañvar ḳhvāhish irāda bādbāñ jaisā
junūñ-dariyā chalo ḳhud ko kināra kar ke dekhūñgā
Ghazal
 badan ki rakh se raushan sharara kar ke dekhunga
shikasta laakh thī kashtī hazār thā tūfāñ
ḳhayāl meñ koī dāman to thaam lenā thā
Ghazal
 junun se rah-e-KHirad mein bhi kaam lena tha
mirā kyā saath deñge ġhair bahr-e-ishq meñ 'bismil'
vo us kashtī meñ haiñ jo dāman-e-sāhil meñ hotī hai
Ghazal
 wahi hoti hai rahbar jo tamanna dil mein hoti hai
'tauqīr' kar chukā thā samundar se dostī
kashtī bhañvar se us kī guzartī chalī ga.ī
Ghazal
 ruKH se naqab un ke jo haTti chali gai
mumkin hai koī haath samundar lapeT de
kashtī meñ sau shigāf hoñ lañgar magar uThā
Ghazal
 sadiyon tawil raat ke zanu se sar uTha
kashtī ravāñ-davāñ thī samundar khulā huā
āñkhoñ meñ bas gayā hai vo manzar khulā huā
Ghazal
 kashti rawan-dawan thi samundar khula hua
maiñ ne terā naam miTā kar terā chehra kyā bhūlā
biich samundar kashtī TuuTī hāthoñ se mastūl ga.e
Ghazal
 sab baaten la-hasil Thahrin sare zikr fuzul gae
gher rakkhā hai har ik samt se tūfānoñ ne
merī kashtī to kabhī paar utarne se rahī
Ghazal
 zindagi gham ke andheron mein sanwarne se rahi
bas itnā soch kar is or kashtī moḌ dī maiñ ne
nikal jaa.e na kyoñ kar is dafa girdāb kī hasrat
Ghazal
 nai poshak pahne hai purane KHwab ki hasrat
merī kashtī ko Dubo kar chain se baiThe na tū
ai mire dariyā! hamesha tujh meñ tuġhyānī rahe
Ghazal
 shakl sahra ki hamesha jaani-pahchani rahe
haañ sambhal jā ab ki zahr-e-ahl-e-dil ke aab haiñ
kitne tūfān terī kashtī ke liye be-tāb haiñ
Nazm
 kisan
Top Urdushayar.com