Tags-Kashti

Dūbne vaale bhī us kashtī ke kam shātir na the
ādatan kahte rahe the nā-ḳhudā achchhā nahīñ

kashtī hai tabāh dil-shudaoñ kī
lenā ḳhabar apne be-ḳhudoñ kī

har ghaḌī ḳhud se ulajhnā hai muqaddar merā
maiñ hī kashtī huuñ mujhī meñ hai samundar merā

kisī ke kahne pe tūfāñ meñ Daal dī kashtī
ḳhudā kare ki havā sāzgār ho ke chale

jab kashtī sābit-o-sālim thī sāhil kī tamannā kis ko thī
ab aisī shikasta kashtī par sāhil kī tamannā kaun kare

abhī tahzīb-e-adl-o-haq kī kashtī khe nahīñ saktī
abhī ye zindagī dād-e-sadāqat de nahīñ saktī

bhañvar meñ chhoḌ dī kashtī hamāre nā-ḳhudāoñ ne
nigāhoñ ke sabhī raushan kināre bech Daale haiñ

naqra.ī sī ek kashtī
do munavvar qumqume

ab terī zarūrat hī nahīñ
nuqra.ī kashtī hai ab bachchoñ kī ik kāġhaz kī naav

aañkh kī raah se bujhte hue lamhe utre
aqrabā jitne the kashtī ke vo saare utre

kashtī bhañvar meñ un kī nigāhoñ meñ bebasī
'manzar' yahī to ab ke uThā le gayā mujhe

jab beach bhañvar ziist kī kashtī kabhī Duube
mallāh bano aur mujhe patvār karo tum

mirī kashti-e-tamannā kabhī ḳhushkiyoñ meñ Duubī
kabhī bahr-e-ġham kā tinkā mujhe de gayā sahārā

agarche paar kāġhaz kī kabhī kashtī nahīñ jaatī
magar apnī ye majbūrī ki ḳhush-fahmī nahīñ jaatī

kisī ne bhej kar kāġhaz kī kashtī
bulāyā hai samundar paar mujh ko

vo ham-safar thā kashtī pe māñjhī bhī thā vahī
dariyā vahī hai maiñ bhī huuñ kashtī nahīñ rahī

kāġhzī kashtī kī aamad kā ishāra mil gayā
Dūbne vaale ko tinke kā sahārā mil gayā

sukūt-e-shab meñ jab saare musāfir so.e hote haiñ
unhīñ lamhāt meñ kashtī nadī se baat kartī hai

kashtī to ravāñ hai kab se shab kī
kis ghaaT lagegī tai nahīñ hai

ye hai kashtī vajūd kī 'jānāñ'
ye phaTā dil kā bādbān paḌā