Tags-Khamoshi

ye mahjūbī ye ḳhāmoshī hamesha se nahīñ hai
lab-e-goyā the ham bhī apnī hairānī se pahle

āvāzeñ raat kī ḳhāmoshī meñ ojhal hone kā sandesa laa.ī haiñ
chāñd ke aadhe TukḌe par kuchh ḳhvāboñ kī tadfīn huī hai

ḳhāmoshī se chhup-chhup 'tāriq' pyaar karo
jiinā ho jab tūfānoñ kī halchal meñ

dil-e-majrūh kī ujḌī huī ḳhāmoshī se
bū-e-naġhmāt baḌī der ke ba.ad aa.ī hai

raat bhar bazm meñ hañgāma hī hañgāma thā
sirf ḳhāmoshī hai ab nauha-gar-e-parvāna

bāñg-e-gul bā.is-e-gardan-shiknī hai gul kī
ġhuncha sālim hai ki jab tak use ḳhāmoshī hai

ham kuchh samjhe vo kuchh aur
ḳhāmoshī meñ baḌh ga.ī baat

hazār qism ke ilzām aur ḳhāmoshī
ta.alluqāt ko yuuñ bhī nibhānā chāhā hai

kis qadar toḌ diyā hai use ḳhāmoshī ne
koī bole vo samajhtā hai ki ham bolte haiñ

soch rahī huuñ
gūñgī hotī huī ḳhāmoshī

gūñgī hotī huī ḳhāmoshī
sannāTe kī dahlīz pakaḌ kar

maiñ sitāroñ aur daraḳhtoñ kī ḳhāmoshī ko samajh saktā huuñ
maiñ insānoñ kī bāteñ samajhne se qāsir huuñ

aur is se pahle ki sābit ho jurm-e-ḳhāmoshī
ham apnī raa.e kā iz.hār karnā chāhte haiñ

dil meñ hai kyā azaab kahe to pata chale
dīvār ḳhāmoshī kī Dhahe to pata chale

merī ḳhāmoshī hī de degī use saare javāb
vo savāl apne hī dil se pūchhtā rah jā.egā

is vīrān-sarā kī mālik ek purānī ḳhāmoshī
āvāzeñ detī rahtī hai mehmāno! chup ho jaao

dekh liyā nā āḳhir miTTī miTTī meñ mil jaatī hai
ḳhāmoshī se apnā apnā hissa lo chup ho jaao

ḳhāmoshī kā sabab kuchh aur hī hai
varna dil meñ na ḳhauf hai na hirās

naala pahuñchā ba-hadd-e-ḳhāmoshī
intihā hai junūñ ke aalam kī

chīḳhtī rahtī haiñ ḳhāmoshī mere hoñToñ par
jis tarah sāhil par lahreñ shor machātī haiñ