English
Favourite
Favourite
UrduShayarUrduShayar
Expand menu
Sign inAccount

Tags-Khamoshi

ḳhāmoshī ke aalam meñ dil Dūbtā jaatā hai
Thahrī huī maujoñ ke dāman meñ bhī tūfāñ hai
Ghazal
 pur-soz tarannum mein kya shama ghazal-KHwan hai
suntī rahī maiñ sab ke dukh ḳhāmoshī se
kis kā dukh thā mere jaisā bhuul ga.ī
Sher
 sunti rahi main sab ke dukh KHamoshi se
paanī paanī rahte haiñ
ḳhāmoshī se bahte haiñ
Ghazal
 pani pani rahte hain
harf ke āvāza-e-āḳhir ko kar detā huuñ nazm
sher kyā kahtā huuñ ḳhāmoshī ko phailtā huuñ maiñ
Ghazal
 tujh mein kitna gum hun aur kitna nazar aata hun main
aao ye ḳhāmoshī toḌeñ ā.īne se baat kareñ
thoḌī hairat aañkh meñ bhar leñ thoḌī sī ḳhairāt kareñ
Ghazal
 aao ye KHamoshi toDen aaine se baat karen
haa.e 'mullā' kab milī ḳhāmoshī-e-ulfat kī daad
koī ab kahtā hai kuchh un se to yaad aatā huuñ maiñ
Ghazal
 sath ho koi to kuchh taskin si pata hun main
sab kī goyā.ī pe haavī thī mirī ḳhāmoshī
kaun mujh sā tirī mahfil meñ suḳhnavar niklā
Ghazal
 apne pahlu mein chhupae hue patthar nikla
merī ḳhāmoshī mirī mashq hai is mashq meñ tum
maar kar tiir mirī tishna-dahānī sunñā
Ghazal
 aag ke sath main bahta hua pani sunna
ḳhāmoshī ḳhud apnī sadā ho ye bhī to ho saktā hai
sannāTā hī guuñj rahā ho ye bhī to ho saktā hai
Ghazal
 KHamoshi KHud apni sada ho ye bhi to ho sakta hai
ḳhāmoshī kā hāsil bhī ik lambī sī ḳhāmoshī thī
un kī baat sunī bhī ham ne apnī baat sunā.ī bhī
Sher
 KHamoshi ka hasil bhi ek lambi si KHamoshi thi
ḳhāmoshī ke sahrāoñ meñ bhaTke hue sañgīt na jaano
tār-e-nafas ke naġhme haiñ ye in ko mirī āvāz na samjho
Ghazal
 jaane do in naghmon ko aahang-e-shikast-e-saz na samjho
dil ko mahv-e-ġham-e-dildār kiye baiThe haiñ
riñd bante haiñ magar zahr piye baiThe haiñ
Latiife
 ''Ye Naqsh Faryadi Hai kis Ki Shokhi-e-Tahareer Ka''
zabāñ muñh meñ hai arz-e-hāl kar tū ne to dekhā hai
ki ḳhū-e-zabt-o-ḳhāmoshī se parvāne pe kyā guzrī
Ghazal
 subu par jam par shishe pe paimane pe kya guzri
āvāzoñ kī gaThrī sar pe uThā.e hue
ḳhāmoshī ke ziine chaḌhtā rahtā huuñ
Ghazal
 kaun hun kyun zinda hun sochta rahta hun
le chukī intiqām-e-ḳhāmoshī
ab to kuchh ham se guftugū kiije
Ghazal
 kyun bagulon ki justuju kije
maut ḳhāmoshī hai chup rahne se chup lag jā.egī
zindagī āvāz hai bāteñ karo bāteñ karo
Sher
 maut KHamoshi hai chup rahne se chup lag jaegi
surūd-e-ātish-e-zarrīn-e-sahn-e-ḳhāmoshī
vo daaġh hai jise har shab jalāne lagte ho
Ghazal
 kabhi kabhi to bahut yaad aane lagte ho
ḳhāmoshī kī jhiil pe shyāmā
kañkar le kar aa.ī hai
Ghazal
 unchi unchi shahnai hai
ḳhanjaroñ kī sāzish par kab talak ye ḳhāmoshī
ruuh kyuuñ hai yaḳh-basta naġhma be-zabāñ kyuuñ hai
Ghazal
 subh har ujale pe raat ka guman kyun hai
jis kī ḳhātir shīsha-e-āvāz raushan hai bahut
us kī jānib se bhī ḳhāmoshī kā patthar aa.egā
Ghazal
 dar-ba-dar ki KHak peshani pe mal kar aaega
Top Urdushayar.com