Tags-Khoon

vahī ḳhūn-e-shahīd-e-nāz ab barbād hotā hai
rahā ban kar jo tere haath meñ rañg-e-hinā barsoñ

būḌhī raushnī ke piile nāḳhun
vo niile ḳhuun ke saath nigal ga.ī

yā tire paañv meñ lage yā mile ḳhaak meñ tamām
dil ko maiñ ḳhuun kar chukā misl-e-hinā jo ho so ho

firāq meñ ḳhūn-e-dil haiñ piite sharāb ham le ke kyā kareñge
hamārā dil aap bhun rahā hai kabāb ham le ke kyā kareñge

tere andāz-e-jarāhat ke nisār ai qātil
ḳhuun zaḳhmoñ pe nazar aatā hai marham kī tarah

hāthoñ kī be-rañg lakīreñ paḌh lenā
ḳhuun meñ Duubī kuchh tahrīreñ paḌh lenā

āñkhoñ se ḳhuun apne ye kahtā nahīñ na jaa.e
par saath us ke lipTā huā dil kahīñ na jaa.e

zamīn ḳhuun ugaltī hai charḳh añgāre
nizām-e-dahr bhī barham hai tum na saath chalo

unheñ bhī apnī taraf khīñch lo vafā vāloñ
jo ḳhuun bech ke ghuñghrū talāsh lete haiñ

miTTī kī ye dīvār kahīñ TuuT na jaa.e
roko ki mire ḳhuun kī raftār bahut hai

ek ek qatre kā mujhe denā paḌā hisāb
ḳhūn-e-jigar vadī.at-e-mizhgān-e-yār thā

pattharoñ meñ lagā rahe haiñ joñk
chāñd meñ ḳhūn-e-garm kī hai talāsh

dekhā ḳhuun to āñkhoñ se aañsū nikle
joḌ gayā donoñ ko rishta paanī kā

zamīñ pe āh-o-bukā aur ḳhūn-e-nāhaq bhī
zabān-e-ḳhalq ye pūchhe hai kyā ḳhudā nahīñ hai

jism ke andar jo sūraj tap rahā hai
ḳhuun ban jaa.e to phir ThanDā kareñge

na sadme se kyuuñ ḳhushk ho ḳhūn-e-bulbul
guloñ kā araq bāġhbāñ khīñchte haiñ

maiñ ḳhud kisī ke ḳhuun kī āñdhī huuñ in dinoñ
uḌtī huī havā se na Dar mere sāmne

girā thā qatra-e-avval jo mere ḳhūn-e-nāhaq se
uThī thī surḳh ik āñdhī zamīn-e-kū-e-qātil se

ḳhizāñ guzar ga.ī lekin guloñ ke rañg haiñ zard
bahār ko sila-e-ḳhūn-e-kushtagāñ na milā

āñkhoñ meñ nazar aane lage ḳhuun ke aañsū
uTTho ki bas ab surḳh sitāre nikal aa.e