Tags-Khoon

paanī ko ḳhuun ḳhuun ko paanī likhegā kaun
jab tum nahīñ kabīr kī baanī likhegā kaun

ḳhuun kar ke mirī tamannā kā
daaġh dāman ke dho rahe ho tum

Dore nahīñ haiñ surḳh tirī chashm-e-mast meñ
shāyad chaḌhā hai ḳhuun kisī be-gunāh kā

ye dil-kathā hai adākār tere bas meñ nahīñ
maiñ ḳhuun thūktā kirdār tere bas meñ nahīñ

phir ḳhuun meñ vahshat raqsāñ hai tajdīd sitam karne ke liye
ik taaza zaḳhm kī ḳhvāhish hai ik sadma kam karne ke liye

āzād karo ḳhuun ko bāzār meñ laao
sadiyoñ se ye mahkūm ragoñ hī meñ ravāñ hai

apne andar hañstā huuñ maiñ aur bahut sharmātā huuñ
ḳhuun bhī thūkā sach-much thūkā aur ye sab chālākī thī

dast-e-qātil ke liye hoñToñ pe ab bhī marhabā
ḳhūn-e-ahl-e-dil kī ḳhātir sīna-e-mātam kahāñ

kabhī ḳhuun meñ mere bhī haath tar kar
ye mehñdī hai tere lagāne ke qābil

apne hī ḳhemoñ par jo shab-ḳhūn na maare
aisā koī lashkar nahīñ dekhā bahut dinoñ se

rahā ye paas hameñ aap kī nazākat kā
ki dil kā ḳhuun huā muñh se aah kar na sake

ḳhuun ahl-e-nazar se gulgūñ hai
ḳhaak kā naam kīmiyā rakhiye

ḳhūn-e-dil mujh se tirā rañg-e-hinā māñge hai
yā hathelī pe koī naqsh-e-vafā māñge hai

us raat lams-e-māh se
ik biij mere ḳhuun meñ

ragoñ meñ ḳhuun ke badle machal rahī hai aag
ziyāñ badan kā na jaañ kā vabāl sāmne hai

fikr o kāvish ho to nikleñ ma.anī-e-rañgīñ 'jalīl'
la.al ugaltī hai zabāñ ḳhūn-e-jigar khāne ke ba.ad

tere mere beach nahīñ hai ḳhuun kā rishta phir bhī kyuuñ
terī aañkh ke saare aañsū merī aañkh se bahte haiñ

ḳhuun thukvātā
mujhe har lamhe kī suulī pe laTkātā

soz-e-dil dard-e-jigar ḳhūn-e-tamannā ashk-e-ġham
ek laġhzish kitne afsānoñ kā unvāñ ho ga.ī