Tags-Khoon

zarā badle nahīñ haiñ gaañv se ham shahr meñ aa kar
hamāre ḳhuun meñ zākir vahī saj-dhaj purānī hai

ḳhuun ke daaġh na aa jaa.eñ mire lahje meñ
is liye ġhazloñ ko aḳhbār banāyā na gayā

talavvun-e-aish-o-ġham se bāham zamīn ye nañg-e-āsmāñ hai
ki muñh se ham ḳhuun Dālte haiñ vo rañg-e-nau-roz uchhālte haiñ

hamāre ḳhuun se luThḌe hue haiñ haath us ke
hamāre saath mohabbat bhī hai zamāne ko

hamārā ḳhuun kisī kaam kā nahīñ bhaa.ī
ye paanī Thiik hai lekin diye jalāne ko

ḳhūn-e-dil kam huā magar jo mire
aaj tham tham ke aate haiñ aañsū

siyāh-ḳhūn Tapaktā hai lamhe lamhe se
na jaane raat pe shab-ḳhūñ hai kis ne maarā huā

ai ḳhāmoshī!
mere ḳhuun meñ chhup ke baiTh

pyaas lagtī nahīñ kabhī us ko
ḳhuun jis ne bhī pī liyā dil kā

anjuman meñ jo mirī itnī ziyā hai sāhab
ḳhūn-e-dil mere charāġhoñ kī ġhizā hai sāhab

ham ne pahnā.e haiñ ḳhvāhish ko ragoñ ke pairahan
us ne māñgī buuñd ham ne ḳhuun dariyā kar diyā

ḳhushī manāte ho kahte ho mujh ko iid 'nishāt'
magar maiñ ḳhuun kī holī bhī huuñ jalāo mujhe

ḳhūn-e-dil apnā jal rahā hai magar
sham.a ke sar pe vo dhuāñ na rahā

tum hamāre ḳhuun se
apne haath rañgne ke liye bhī

ḳhuun se farhād ke rañgīñ huā dāmān-e-koh
kyuuñ na mauj-e-shīr ye dhabbā chhuḌā kar le ga.ī

sitamgaroñ ne bahāroñ pe kar liyā qabza
chaman ko ḳhūn-e-jigar dene vaale baiThe haiñ

ba-hal shauq-e-shahādat meñ kiyā hai ham ne ḳhuun apnā
hamāre shauq se purze uḌaa.e jis kā jī chāhe

mujhe kyoñ har zamāna ḳhuun meñ lat-pat milā hai phir
baḌoñ se jab sunā thā zulm kā ik daur hotā hai