Tags-Khoon

jaise fasād-e-ḳhūn se jild-e-badan pe dāġh-e-bars
dil kī siyāhiyāñ bhī haiñ dāman-e-dāġh-dār meñ

ḳhuun rote haiñ chaman meñ bulbul
ham guloñ se jo hañsā karte haiñ

evaz-e-bāda ġham-e-sāqī meñ
ḳhūn-e-dil apnā piyā karte haiñ

hote haiñ dil meñ nihāyat nādim
ḳhuun jo be-jurm kiyā karte haiñ

roz do-chār kā ḳhuun kartā hai
dast-o-pā surḳh rahā karte haiñ

tar-ba-tar ḳhuun meñ hai dāman-e-ummīd-e-bahār
haath meñ zaḳhm hai TuuTe hue paimāne kā

merī fitrat bhī to shāmil merī nādānī meñ hai
laġhzish-e-ādam jo pinhāñ ḳhūn-e-insānī meñ hai

neze to shuāoñ ke rahe ḳhuun ke pyāse
nam-dīda the dīvār ke saa.e mire ghar meñ

aur qābīl se irshād kiyā thā tū ne
ḳhūn-e-hābīl kī in zarroñ se bū aatī hai

ye jigar baaqī hai ġham kī mehmānī ke liye
dil subuk-ḳhātir hai is meñ ḳhuun kī rañgat nahīñ

kyuuñ ḳhūn-e-bashar ḳhūn-e-tamannā hai har ik samt
kyuuñ ḳhuuñ se huī jaatī hai laal apnī ye duniyā

ab laakh ḳhizāoñ kā mausam bhī kuchh na guloñ kā kar paa.e
ham ḳhūn-e-jigar se gulshan kā har rañg nikhārā karte haiñ

har kūche meñ armānoñ kā ḳhuun huā
shahr ke jitne raste haiñ sab ḳhūnīñ haiñ

kaun yahāñ is raaz kā parda chaak kare
jitne ḳhuun ke rishte haiñ sab ḳhūnīñ haiñ

har kūche meñ armānoñ kā ḳhuun huā
shahr ke jitne raste haiñ sab ḳhūnīñ haiñ

ghar se jo mire sonā yā paisa nikal aatā
kis kis se mirā ḳhuun kā rishta nikal aatā

ye vahshateñ bhī mirī ḳhushbuoñ kā hissa haiñ
ki mire ḳhuun se dāmān-e-sañg mahke hai

ham ishq tere haath se kyā kyā na dekhīñ hālateñ
dekh āb-dīda ḳhuuñ na ho ḳhūn-e-jigar paanī na kar

jī bhar ke dekh luuñ to kar is jurm par shahīd
yuuñ apne sar pe ḳhuun na le be-gunāh kā

nahīñ dāman meñ laala be-sutūñ ke
koī dil-e-dāġh ḳhūn-e-kohkan hai