Tags-Khoon

mirī lahad pe patañgoñ kā ḳhuun hotā hai
huzūr sham.a na laayā kareñ jalāne ko

ḳhuun ro ro diye bas do hī qadam meñ chhāle
yaañ vahī hausla-e-bādiya-paimā.ī thā

ragoñ meñ ret kī ik aur tah jamī dekho
ki pahle jaisī nahīñ ḳhuun meñ ravānī bhī

zi-bas ḳhūn-e-ġhalīz āñkhoñ se aayā
huiiñ āḳhir baham mizhgān-e-tar band

ḳhuun ab sard huā jaatā hai shiryānoñ meñ
aur baḌhtī huī ta.adād bharosā toḌe

muñh to na thā ye ġhair kā us ko khilā.e barg-e-pāñ
par na mirā jo bas chalā ḳhūn-e-jigar piyā kiyā

kahāñ vo zulf kahāñ ḳhūn-e-nāfa-e-āhū
jo mushk samjhe haiñ vo log haiñ ḳhatā kī taraf

'jigar' ke ḳhuun se āñkhoñ meñ surḳh Dore haiñ
samajh rahā hai zamāna sharāb-ḳhvār mujhe

nuqūsh-e-ārzū miT miT ke ubhre ḳhuun hone ko
bisāt-e-kahkashāñ ban kar shafaq kī surḳhiyāñ ho kar

kar ke phir mere e'tibār kā ḳhuun
jo gayā hai vo yaar thā kyā thā

kitne rañg kī machhliyāñ aa.iiñ lalchātī aur bal khātī
qatra qatra merī ragoñ se ḳhuun jo Tapkā paanī meñ

jhalak rahī hai sar-e-shāḳh-e-mizha ḳhuun kī buuñd
shajar meñ pahle samar se kalī nikaltī hai

jism se pahra haTā ye khurdurī khāleñ udheḌ
ḳhuun kī jhāḌū se phir in haDDiyoñ kī gard jhaaḌ

vo pahnā sham.a ne phir ḳhūn-e-āftāb kā taaj
sitāre le ke uThe nūr-e-āftāb ke jaam

mere alfāz meñ merā ḳhūn-e-jigar kaise kaise jhalaktā hai dekheñ kabhī
sāz-e-ishq-o-havas go ham-āhañg haiñ phir bhī ishq-o-havas meñ taqābul kareñ

kabhī to ashk meñ ḳhūn-e-jigar kā rañg-e-hayāt
kabhī to aah meñ dil kī dabī huī āvāz

tasvīr koī bantī dikhā.ī nahīñ detī
kiyā sarfa abas ham ne kiyā ḳhūn-e-jigar kā

bedardoñ ke daur meñ hai 'jumbish' ḳhūn-e-tamannā hone do
koī na koī aañsū surḳhī de degā afsāne kī

ḳhusūsī bāteñ jo shā.irī kī haiñ ek un meñ
ye ḳhuun piitī hai aur piitī bhī mustaqil hai

mujhe na.aroñ se raġhbat hai
vo mere ḳhuun kī hiddat kā baa.is haiñ