Tags-Ada

is adā se kaun ye jalva-gar sar-e-bazm-e-husn-e-ḳhayāl hai
jo nafas hai mast-e-bahār hai jo nazar hai ġharq-e-jamāl hai

ahd-e-vafā subuk-havā rañg-e-vafā ke saath saath
rūh-e-suḳhan badal ga.ī tarz-e-adā ke saath saath

vahī ek manzar-e-ḳhush-adā kahīñ naqsh meñ kahīñ rañg meñ
vahī us kī zulf ġhazal-numā vahī us kā chehra kitāb sā

aks-dar-aks haqīqat kī lakīreñ raushan
ḳhvāb-dar-ḳhvāb koī husn-e-adā māñge hai

sajda-e-shauq jo adā na huā
sañg-e-dargāh ho gayā hogā

guzrā mire qarīb se vo is adā ke saath
raste ko chhū ke jis tarah rasta guzar gayā

vo mujhe mashvara-e-tark-e-vafā dete the
ye mohabbat kī adā hai mujhe ma.alūm na thā

ai but ye hai namāz ki hai ghaat qatl kī
niyyat adā kī hai ki ishāre qazā ke haiñ

ibtidā bigḌī intihā bigḌī
ibn-e-ādam kī har adā bigḌī

rakhte haiñ naap tol ke vo har qadam 'shamīm'
pyārī lage hai un kī adā TeḌhī chaal meñ

us kī adā pe shāyad rone lage falak bhī
va.adoñ se apne kaise ab vo mukar rahā hai

adā samajhtā rahūñgā tire taġhāful ko
tavīl ho ga.ī shām-e-alam to kyā hogā

paiġhām-e-zindagī hai mohabbat kī har adā
ya.anī gunāhgār-e-mohabbat hai pāk-bāz

pā-e-sāqī pe tauba loT ga.ī
haath meñ is adā se jaam liyā

ḳhamoshiyoñ ne zer-e-lab ye kyā kahā ye kyā sunā
ki kā.enāt-e-ishq kī adā hī aur ho ga.ī

be-ḳhud bhī haiñ hoshiyār bhī haiñ dekhne vaale
in mast nigāhoñ kī adā aur hī kuchh hai

in shoḳh hasīnoñ kī adā aur hī kuchh hai
aur in kī adāoñ meñ mazā aur hī kuchh hai