Tags-Ada

laTaktī chaal madh-mātī chale bichchh.oñ ko jhankātī
adā meñ dil liye jaatī ajab samdhan hamārī hai

jabīñ mahtāb āñkheñ shoḳh shīrīñ lab guhar dandāñ
badan motī dahan ġhunche adā hañsne kī pyārī hai

us ne dekhā kuchh is adā se hameñ
ham ye samjhe ki shāhkār haiñ ham

ai yār-e-dil-nashīñ vo adā kaun le gayā
tere nagīñ se naqsh-e-vafā kaun le gayā

dard ne dil kī parvarish kī hai
dard hī sher se adā hogā

kyā baat hai ki baat hī dil kī adā na ho
matlab kā mere jaise koī qāfiyā na ho

tumhāre qaul-o-qasam par fareb kyā khātā
tumhārā tarz-e-adā bhī mirī nigāh meñ thā

vo pahlī sab vafā.eñ kyā huiiñ ab ye jafā kaisī
vo pahlī sab adā.eñ kyā huiiñ ab ye adā kyuuñ hai

sau sajde ek laġhzish-e-mastāna-vār meñ
allāh kyā adā hai tire bāda-ḳhvār meñ

yahī haiñ adnā sī ik adā se jinhoñ ne barham hai ki ḳhudā.ī
yahī haiñ akasr qazā ke jin se farishte bhī zak uThā chuke haiñ

har adā tund aur nabāt us kī
dil meñ khubtī hai baat baat us kī

kyā chāhtī hai ham se hamārī ye zindagī
kyā qarz hai jo ham se adā ho nahīñ rahā

tabassum hañsī be-ruḳhī be-hijābī
tirī har adā par fidā ho ga.e ham

is adā se tiir lagāve thā tū ba-rū-e-tūda-e-musht-e-gul
ki falak ba-teġh-o-kamān bhī tirā mahv-e-kund-o-kadār thā

vo aa.egā dil se duā to karo
namāz-e-mohabbat adā to karo

jī chāhā jidhar chhoḌ diyā tiir adā ko
chuTkī meñ uḌaa.e hue phirte haiñ qazā ko

kisī ke sañg-e-dar se ek muddat sar nahīñ uTThā
mohabbat meñ adā kī haiñ namāzeñ be-vuzū barsoñ

ho na betāb adā tumhārī aaj
naaz kartī hai be-qarārī aaj

bārish kā pahlā qatra hī bastī Dubo gayā
ab apnī jaañ kā qarz adā kyā kare koī

kahā dil ne ki baḌh ke us ko chhū luuñ
adā ḳhud hī ijāzat kī tarah thī