Tags-Khwab

mujhe talāsh na kar tū yahāñ vahāñ 'momin'
nazar uThā ki tire ḳhvāb-dāñ pe aayā huuñ

manā rahe the vahāñ log jashn-e-be-ḳhvābī
yahāñ the ḳhvāb bahut so udhar nahīñ ga.e ham

ajiib ḳhvāb dikhāyā hai raat āñkhoñ ne
ki mere naam se mansūb hai barāt us kī

tumhāre ḳhvāb se har shab lipaT ke sote haiñ
sazā.eñ bhej do ham ne ḳhatā.eñ bhejī haiñ

zindagī roz nayā ruup dikhātī mujh ko
aur maiñ hañs ke use ḳhvāb vadī.at kartā

halqa-e-nīnd ke manzar meñ udāsī thī 'sa.īd'
maiñ vahāñ ḳhvāb sunātā to qayāmat kartā

mehrbāñ jañgal ke saa.e tū hī de apnī panāh
ḳhvāb ā.ankhoñ meñ haiñ mahv-e-ḳhvāb hone de mujhe

yahāñ vahāñ haiñ ka.ī ḳhvāb jagmagāte hue
kahīñ kahīñ koī ta.abīr TimTimātī huī

us zulf ke ḳhayāl meñ āñkheñ to band kar
dikhlā.ī deñge ḳhvāb-e-pareshāñ na.e na.e

bhale hī ḳhvāb kuchh dekho magar ye dhyān bhī rakhnā
haqīqat se agar hoñ duur sapne TuuT jaate haiñ

mahkī shab ā.īna dekhe apne bistar se bāhar
ḳhvāb kā aalam reza reza chashm-e-manzar se bāhar

vahī ik ḳhvāb hotā hai asāsa
hamāre paas jo hotā nahīñ hai

vo fāsle haiñ ki āñkhoñ meñ ḳhvāb nāchte haiñ
milī firāq meñ bhī lazzat-e-visāl mujhe

hamāre dīda-e-be-ḳhvāb ko taskīn kyā doge
hameñ luuTā hai duniyā ne sitāro tum to so jaao

dayār-e-ḳhvāb o chashm-e-dil-figārāñ
jazīra niiñd kā kyuuñ darmiyāñ hai

vo aa.eñ yuuñ mire āġhosh-e-ishq meñ 'aḳhtar'
ki jaise āñkhoñ meñ ik ḳhvāb-e-be-qarār aa.e

chalo zarā dostoñ se mil leñ kise ḳhabar is kī phir kab aa.e
ye sub.h-e-gulgūñ ḳhayāl vaalī ye mushkbū-shām ḳhvāb vaalī

ik ḳhvāb kā ḳhayāl hai duniyā kaheñ jise
hai is meñ ik tilism tamannā kaheñ jise

dard kī jhil-mil raushniyoñ se baara ḳhvāb kī duurī par
ham ne dekhī ek dhanak jo sho.ala bhī hai sadā bhī hai

bigḌail ho chale the ka.ī din se mere ḳhvāb
sach kī chhaḌī se shaam unheñ sīdhā kar diyā