Tags-Lab

dekh kar us lab-e-rañgīñ ko 'jamīla' ne kahā
jo damak is meñ hai vo la.al-e-badaḳhshāñ meñ nahīñ

kī rahbarī ḳhayāl-e-lab-e-yār tak mirī
ai tishnagī-e-shauq mirī zindagī nisār

is kahānī kā hai 'raḳhshanda' yahī lubb-e-lubāb
pahle izzat ho to phir ba.ad meñ chāhā jaa.e

maiñ rahtā huuñ har shaam shikva-ba-lab
mire paas dīvān-e-'iqbāl' hai

ye samajh ke maanā hai sach tumhārī bātoñ ko
itne ḳhūb-sūrat lab jhuuT kaise boleñge

tū ne kī ġhair se kal merī burā.ī kyūñkar
gar na thī dil meñ to lab par tire aa.ī kyūñkar

ajab nasha thā magar us kī baḳhshish-e-lab meñ
ki yuuñ to ham se bhī kyā kyā na vo suḳhan meñ khulā

lab o dandāñ ke tasavvur meñ jo royā maiñ kabhī
ashk do-chār bahe surḳh to do-chār safed

vahī bai.at-e-ġham-e-hijr thī vahī kashf-e-hujra-e-vasl thā
maiñ murīd-e-halqa-e-ḳhvāb thā so qarīn-e-murshid-e-lab rahā

'mīr' bhī kyā mast tāfeh thā sharāb-e-ishq kā
lab pe āshiq ke hamesha nāra-e-mastāna thā

kal shab-e-hijrāñ thī lab par naala bīmārāna thā
shaam se tā sub.h dam-e-bālīñ pe sar yakjā na thā

haath aa.egā kyā sāhil-e-lab se hameñ 'anjum'
jab dil kā samundar hī guhar-bār nahīñ hai

muñh zard o āh-e-sard o lab-e-ḳhushk o chashm-e-tar
sachchī jo dil-lagī hai to kyā kyā gavāh hai

chheḌtī haiñ kabhī lab ko kabhī ruḳhsāroñ ko
tum ne zulfoñ ko bahut sar pe chaḌhā rakkhā hai

merā kahnā tirā sunñā ma.alūm
jumbish-e-lab hī agar gul Thahre

ab to yuuñ lab pe mire harf-e-sadāqat aa.e
nā-gahāñ shahr pe jaise koī aafat aa.e

mire dil ko shauq-e-fuġhāñ nahīñ mire lab tak aatī duā nahīñ
vo dahan huuñ jis meñ zabāñ nahīñ vo jaras huuñ jis meñ sadā nahīñ

vo hañsī aa ga.ī tire lab par
ho gayā vo mirā qusūr muaaf

hai naved-e-bahār har lab par
kam-nasīboñ ko e'tibār nahīñ

josh-e-ashk o tasavvur-e-qad-e-yār
sarv goyā khaḌā lab-e-jū hai