Tags-Lab

ārzū-e-chashma-e-kausar na.iiñ
tishna-lab huuñ sharbat-e-dīdār kā

de jaam talattuf se saaqī ba-lab-e-tishna
dil pyaas se jab kumlā paimāna huā to kyā

log to baat kā afsāna banā dete haiñ
is liye lab bhī hilāte hue Dar lagtā hai

tere lab pe rahe ḳhamoshī
mere lab pe savāl hogā

mile hai dil ko zauq-e-bosa-e-lab
mazā hai varna har shai kā zabāñ tak

dāñtoñ pe shefta the hue ab fidā-e-lab
thā rog ek to ye huā dūsrā maraz

bosoñ ke tere lab pe haiñ mere udhār be-shumār
de hai tū kuchh bhī kar shumār yak do sah chaar panj o shash

agar tū sāmne aayā to khul jā.eñge pushtāre
hameñ rahne de lab-basta hamāre sāmne mat aa

duniyā kā ḳhuun daur-e-mohabbat meñ hai safed
āvāz aa rahī hai lab-e-jū-e-shīr se

tū ne paane haath meñ jis par likhā thā merā naam
vo sanobar lahlahātā hai lab-e-jū aaj bhī

phuul sī bāteñ phuul sā lahja phuul se lab the phuul se gaal
lekin shāḳh-e-badan ke saare ḳhaar bahut nokīle the

sāmne us ke jaate the to mohr-ba-lab rah jaate the
bāhar se ham shoḳh bahut the andar se sharmīle the

ye mat samajh ki koī tujh se munharif hī nahīñ
abhī ham ahl-e-junūñ lab-kushā nahīñ hue haiñ

tishna-e-ḳhūñ haiñ la.al-e-lab tere
surḳhī-e-rañg-e-pān meñ kuchh hai

na us ke lab ko faqat laal kah ke ḳhatm karo
abhī to us meñ bahut sī hai guftugū baaqī

us ke lab se talḳh ham sunte rahe
apne haq meñ āb-e-haivāñ sam rahā

ai ḳhār-e-chaman-zār munajjim to nahīñ tū
fardā kā har ik raaz tire lab se sunā hai

raqs-e-but-e-ġhuncha-lab kasrat-e-aish-o-tarab
koī ise kuchh kaho ham to samajhte haiñ ḳhvāb

unnāb-e-lab kā apne mazā kuchh na pūchhiye
kis dard ke haiñ aap davā kuchh na pūchhiye

ashkoñ ne fasāna kar diyā hai
vo lafz ki aa sakā na lab tak