Tags-Lab

lab tire la.al haiñ badaḳhshāñ ke
daañt tere haiñ luulū ai laala

nā-gahāñ lab-hā-e-barg-e-gul se ye aa.ī nidā
naale kartā hai abas ai be-ḳhabar mere liye

jitne achchhe log haiñ vo mujh se vābasta rahe
mere saare bol un ke lab se paivasta rahe

ek arsa ho gayā naġhme nahīñ firdaus-e-gosh
tishna-e-sāz-e-lab-e-'iqbāl' har ik gosh hai

ab zabāñ kāTne kī rasm na Daal
ki yahāñ lab sile haiñ pahle hī

aañkh se kuchh ho ishāra kuchh tabassum lab pe ho
'shād' karnā kuchh nahīñ mushkil dil-e-nāshād kā

ilāhī sharam rakhnā rāz-e-dil kī
kisī kā naam lab par aa rahā hai

āñkhoñ meñ ashk lab pe fuġhāñ dil figār sā
rāh-e-vafā meñ jiine kā sāmān dekhnā

dard dil meñ magar lab pe muskān hai
hausloñ kī hamāre ye pahchān hai

lab-e-sofār meñ surḳhī kahāñ se us ke aa.ī hai?
jo terā tiir piyāre ḳhūn-e-dil merā nahīñ piitā

nārāz ham se haiñ vo hamāre sukūt par
lab kholne kī ḳhud bhī jo himmat na kar sake

vo to rahtā hai yūñhī apne gulistān meñ gum
lab-e-ḳhāmosh se kyā barg-e-hinā bolegī

hai pur-sukūn samundar magar suno to sahī
lab-e-ḳhamosh se kahte haiñ bādbāñ kyā kyā

haath ḳhālī uThāte haiñ 'shāhid'
lab pe harf-e-duā nahīñ hote

jo dil ne kahī lab pe kahāñ aa.ī hai dekho
ab mahfil yārāñ meñ bhī tanhā.ī hai dekho

ra.anā.iyoñ ke lab pe mukarrar savāl hai
be-aib ḳhadd-o-ḳhāl tumheñ kaun de gayā

mafqūd ho ga.ī haiñ yahāñ lab-kushā.iyāñ
ye Dher bhar savāl tumheñ kaun de gayā

diyā jo saaqī ne sāġhar-e-mai dikhā ke aan ik hameñ labālab
agarche mai-kash to ham na.e the pa lab pe rakhte hī pī ga.e sab

milte hī lab-e-yār se lab dil nikal aayā
maarā jise iisā ne vo bīmār hamīñ the

chuum lete haiñ vo ā.īne meñ āñkheñ apnī
lab masīhā.ī kareñge ki haiñ bīmār āñkheñ