Tags-Lab

maiñ jin bahāroñ kī parvarish kar rahā huuñ zindān-e-ġham meñ hamdam
kisī ke gesū-o-chashm-o-ruḳhsār-o-lab kī rañgīñ hikāyateñ haiñ

tishna-lab rakkhā thā jis ne asġhar-e-ma.asūm ko
ḳhuun kī būñdeñ hameñ us tiir se miltī to haiñ

har shaḳhs ke chehre par ik karb kā manzar hai
shāyad lab-e-getī par taḳhrīb kā naam aayā

ab jahāñ chāñd lab-e-bām ubhartā hī nahīñ
jaane kyuuñ phir unhīñ galiyoñ se guzartā huuñ maiñ

sukūn-e-qalb kī ḳhātir shab-e-furqat maiñ chūmūñgā
banā lene do tasvīr-e-lab-o-abrū zarā Thahro

hairān haiñ lab-basta haiñ dil-gīr haiñ ġhunche
ḳhushbū kī zabānī tirā paiġhām hī aa.e

tujh se ab izn-e-takallum bhī agar mil jaa.e
lab hileñ yā na hileñ aañkh ho tar apnā kyā

ye mire ġham kā fasāna hai rahegā lab par
terī rūdād nahīñ hai ki sunā bhī na sakūñ

lab se sāġhar kyā milte
mahfil ke ādāb judā

is sukūt-e-bekarāñ meñ ik tilismī nāznīñ
surḳh gahre surḳh lab aur chāñd sī piilī jabīñ

Dūbne vaalī hai kyā kashtī-e-ummīd ai 'josh'
mauj taḌpī lab-e-sāhil pe duā.eñ aa.iiñ

jū-e-naġhmāt pe tasvīr sī larzāñ dekhī
lab-e-tasvīr pe Thahrā huā naġhma dekhā

dekho to jaan tum kuuñ manāte haiñ kab setī
bolo ḳhudā ke vāste Tuk laal lab setī

chiin peshānī pe hai mauj-e-tabassum lab meñ
aise hañsmukh haiñ ki ġhusse meñ hañsā karte haiñ

lab kisī ke jo hile kaan udhar dhyān udhar
dil lagā kar vo mirā zikr sunā karte haiñ

dosto us chashm o lab kī kuchh kaho jis ke baġhair
gulsitāñ kī baat rañgīñ hai na mai-ḳhāne kā naam

ham lab-e-gor hue ḳhūñ-ba-jigar is ġham se
karnī us ġhuncha-dahan se na huī baat nasīb

jab nazar us ne milā.ī hogī
lab pe aalam ke duhā.ī hogī

lab-e-bām aa ke dikhlā vo tamāshā tuur kā tum bhī
baḌe mauqe se dar par tālib-e-dīdār baiThe haiñ