Tags-Lab

betāb haiñ jis ko sunñe ko vo baat na lā.eñge lab par
mas.hūr vo rakkheñge phir bhī aisī hai nafāsat bātoñ meñ

vo khulī aañkh vo lab par hai hañsī
ham nahīñ mānte aisā sonā

maiñ bolī tere lab par hai hañsī merī
vo bolā mat baḌhāo bekalī merī

suno ki virse meñ baTtī huī amānat huuñ
maiñ haraf-e-sidq lab-e-sādiq-o-amīñ kā huuñ

diloñ meñ azhdahām-e-ārzū lab band rahte the
nazar se guftugū hotī thī dam ulfat kā bharte the

jaan le lenā jalānā khel hai ma.ashūq kā
aañkh se maarā lab-e-nāzuk se zinda kar diyā

is jagah ḳhāmoshiyāñ bhī ik lab-e-taqrīr haiñ
is jagah rūposhiyāñ bhī dil kī dāman-gīr haiñ

dil se laa.e lab pe ham āh-o-fuġhāñ
ab tujhe laanā asar kā kaam hai

ham se kyā ho vasf qātil kā bayāñ
ye lab-e-zaḳhm-e-jigar kā kaam hai

be-ḳhatar kuud paḌā ātish-e-namrūd meñ ishq
aql hai mahv-e-tamāshā-e-lab-e-bām abhī

sanam ke dekh kar lab aur dahan surḳh
huā hai ḳhūn-e-bulbul se chaman surḳh

mere lab par baqā kā giit rahā
go panaptī rahī fanā mujh meñ

tere sāmne aate hue ghabrātā huuñ
lab pe tirā iqrār hai dil meñ chor bahut

masīhā apnā hai ik aur hī lab-e-jāñ-baḳhsh
ḳhudā ke fazl se bīmār kaun aap kā hai

'rasā' aage na likh ab haal apnī be-qarārī kā
ba-rañg-e-ġhuncha-lab mazmūñ tire fariyād karte haiñ

burj-e-shahī se dekhnā aise fishār-e-vaqt meñ
ḳhāk-ba-sar ġhazal-ba-lab kaun gadā hai raqs meñ

āb-o-gil hī kā karishma lab-o-ruḳhsār bhī haiñ
aisī kyā baat hai kyuuñ aap divāne hue haiñ

na shikva lab tak aa.egā na naala dil se niklegā
mire zabt-e-mohabbat kā bharam mushkil se niklegā

shikva kiyā ho mere lab-e-zaḳhm ne kabhū
to mujh pe āb-e-teġh ilāhī harām ho