Tags-Lab

vo lab ki jaise sāġhar-e-sahbā dikhā.ī de
jumbish jo ho to jaam chhalaktā dikhā.ī de

ḳhāl-e-mushkīñ hai laal lab-hā par
yā mai-e-surḳh biich afyūñ hai

kyuuñ mire lab pe vafāoñ kā savāl aa jaa.e
ain mumkin hai use ḳhud hī ḳhayāl aa jaa.e

mudda.ī ho jo vafā ke to sitam sahte raho
lab pe aa.e na koī harf bhī shikva ho kar

lab tak bhī kabhī harf-e-tamannā nahīñ aayā
aisā koī mahrūm-e-tamannā nahīñ hotā

kis ko jiine kī tamannā hai yahāñ
kyuuñ lab-e-mojiz-numā ḳhāmosh hai

aql ke shahr meñ aayā hai to yuuñ gum hai junūñ
lab-e-goyā ko bhī be-sāḳhta-pan yaad nahīñ

dil se kal mahv-e-takallum the to ma.alūm huā
koī kākul koī lab koī dahan yaad nahīñ

muñh merā na khulvāo ki ho jā.eñge lab band
dekho yahī achchhā hai ki maiñ kuchh nahīñ kahtā

be-zabānī par mirī bolā ḳhudā
lab-kushā.ī kī ijāzat hai yahāñ

paanī se sag-gazīda Dare jis tarah 'asad'
Dartā huuñ aa.ine se ki mardum-gazīda huuñ

pahlū meñ bādshāh ke thā jalva-gar vazīr
sardār-e-dīñ alī-e-valī ḳhalq kā amiir

aan ke is bīmār ko dekhe tujh ko bhī taufīq huī
lab par us ke naam thā terā jab bhī dard shadīd huā

Thokareñ khāte ga.e lab par tumhārā naam thā
hashr kā manzar thā rāh-e-ishq meñ jo gaam thā

ab āḳhir-e-shab dard kā bhaTkā huā rahvār
aayā bhī to shahr-e-lab-o-ruḳhsār meñ aayā

terī zulf-o-chashm-o-lab kā naam hai merī ġhazal
terā andāz-e-suḳhan mere ġhazal gaane kā naam

huī ḳhajālat se nafrat afzūñ gile kiye ḳhuub āḳhirīñ dam
vo kaash ik dam Thahar ke aate ki mere lab par bhī dam na hotā

lab sil ga.e the apne anā ke savāl par
go dil hī dil meñ mujh se vo maiñ us se tañg thā

'shād' vaqt-e-naz.a thā ḳhāmosh lekin der tak
naam rah rah kar kisī kā zer-e-lab aatā rahā