Tags-Lab

zikr-e-qahat-e-rañg se pahle hī taale paḌ ga.e
har lab-e-tasvīr ko jumbish bahut mahñgī paḌī

rahā na ab vo lab-e-jū rahā na mai-ḳhāna
hamāre saare Thikānoñ ko le uḌī hai havā

ai but-e-kāfir hai bas be-aib zaat allāh kī
lab tire iisā hue bīmār āñkheñ ho ga.iiñ

ishq-e-pinhāñ dīda-e-giryāñ ne zāhir kar diyā
hañsne kī jā hai lab-e-iz.hār āñkheñ ho ga.iiñ

kyā huā lab agar nahīñ hilte
aañkh ḳhud ik zabān hotī hai

lab khule haiñ to kuchh suno pal-bhar
kyuuñ ke phir ye gilā rahe na rahe

uf vo tābānī-e-lab-o-ruḳhsār
rashk-e-sad-māhtāb haiñ donoñ

huī haiñ kārgar ġhairoñ kī chāleñ
tire lab par nahīñ hai ab na haañ hai

kis vaj.h 'nasīr' us lab-e-shīrīñ pe na ho ḳhaal
hotā vatan-e-mor to hai tañg shakar meñ

aks-e-lab-e-pāñ-ḳhurda se dandāñ haiñ tire surḳh
yā ātish-e-yāqūt hai ye āb-e-guhar meñ

mere lab tak jo na aa.ī vo duā kaisī thī
jaane is raah meñ marzi-e-ḳhudā kaisī thī

hai jān-e-hazīñ ek lab-e-rūh-fazā do
ai kaash ki is ek kī ho jaa.eñ davā do

vo hai ḳhāmosh magar us ke sukūt-e-lab par
raqs kartā huā ik ālam-e-goyā.ī hai

lab-basta huuñ phir bhī boltā huuñ
yaar ḳhud se nabard-āzmā huuñ

lab pe favvāre ke jaarī hai ye misra.a dam-ba-dam
de agar ḳhāliq bulandī mail-e-pastī kījiye

mire ḳhuddār lab par jab kabhī lafz-e-anā aayā
mirī qīmat lagāne kīsa-e-zar sāmne aa.e

lab pe aa.ī huī ye jaan phire
yaar gar is taraf ko aan phire

ham se ḳhush-zamzama kahāñ yuuñ to
lab o lahja hazār rakhte haiñ

havas to bose kī hai nihāyat pa kījiye kyā ki bas nahīñ hai
jo dastaras ho to misl-e-sāġhar lagāveñ lab ko ham un ke lab se

kahā thā ham kuchh kaheñge tum se kahā to aisā ki ham na samjhe
samajhte kyūñ-kar ki us ne lab se suḳhan nikālā kuchh aise Dhab se