Tags-Lab

kahā thā ham kuchh kaheñge tum se kahā to aisā ki ham na samjhe
samajhte kyūñ-kar ki us ne lab se suḳhan nikālā kuchh aise Dhab se

lab tak jo kabhī na aa.e vo aah
ūñchī so baam ho ga.ī hai

lab-e-zāhid pe hai afsāna-e-hūr-e-jannat
kaash is vaqt mirā anjuman-ārā hotā

baaqī hai lahū dil meñ to har ashk se paidā
rañg-e-lab-o-ruḳhsār-e-sanam karte raheñge

ho ke barham uThne vaale haiñ vo saare tishna-lab
aa.ī hai hisse meñ jin ke sāqi-e-mahfil kī baat

ai shāh-e-husn zulf o ruḳh o gosh chashm o lab
kyā kyā ilāqe haiñ tirī sarkār ke liye

vo chashm agar sehr-bayānī ke liye hai
ye lab bhī mirī tishna-dahānī ke liye haiñ

vo ishq-zāde jinheñ sūfiyā kaho ho tum
vo lab hilāte haiñ aur do-jahāñ banāte haiñ

thake baiThe the kuchh panchhī lab-e-dariyā jinheñ 'as.ad'
ham apnī par-shikasta ḳhvāhishoñ kā kārvāñ samjhe

vo tap-e-ġham hai ki sūkhe haiñ lab-o-kām-o-dahan
kaash aa kar vo pilā.eñ diid kā paanī mujhe

mai tauba ban ke aa.ī thī lab tak ki ai 'riyāz'
labrez apnī umr kā paimāna ho gayā

un kī kyā baat jo hañs hañs ke lab-e-rañgīñ se
phuul barsāne ga.e baaġh lagāte aa.e

karb ke zahr kā maarā huā insān hai ye
sar pe sau bojh magar ḳhanda-ba-lab bhī hogā

lab-o-ruḳhsār meñ hogī gul-o-mahtāb kī baat
aañkh meñ tazkira-e-bint-e-inab bhī hogā

kahte haiñ aatā hai vo ai jaan bar-lab-āmada
tū ḳhudā ke vāste Tuk aur bhī rah jā na jā

vaañ hue missī se lab un ke kabūd
piiT kar muñh ham ne yaañ niilā kiyā

tirā ġham hai daulat-e-dil tirī use āñsuoñ meñ luTā na de
vahī aah naqd-e-hayāt hai jise lab pe lā ke gañvā na de

zabāñ ḳhāmosh hai lab band haiñ himmat shikasta hai
duā se haath uThā.e haiñ to ab koī duā kyuuñ ho

thā charāġh-e-iltijā lekin bujhā is shaan se
har muḳhātib se lab-e-iz.hār tak vo le gayā

na chāñd-māthā na tārā-ThoḌī
na jhīl-āñkheñ, na phūl-lab haiñ