Tags-Lab

gūñdh kar motiye ke haar ghanī zulfoñ meñ
āriz-o-lab pe shafaq surḳhiyāñ maltī huī shaam

javāz DhūñD na apnī sadā bikharne kā
hayāt mohr-ba-lab dast-e-chāra-gar se nikal

zindagī rāh-e-tasādum meñ bhaTaktī hai abhī
vaqt ke lab pe abhī uzr haiñ paiham kitne

kitne sīnoñ meñ shikasta haiñ abhī dil ke rabāb
lab-e-ḳhāmosh pe haiñ naġhma-e-mātam kitne

jo jāñ-ba-lab ho hasrat-e-dīdār meñ tirī
dikhlā ke us ko jalva-e-ruḳhsār maar Daal

us kā badan bhī chāhiye aur dil bhī chāhiye
surḳhī-e-lab bhī gaal kā vo til bhī chāhiye

jo qisse hai shigāf-e-sīna-e-ḳhud-chāk ke lab par
ba-gosh-e-chashm sun leñ āñ-janāb avval se āḳhir tak

sham.a kā mai kā shafaq-zār kā gulzār kā rañg
sab haiñ aur sab se judā hai lab-e-dīdār kā rañg

jab mohabbat kī kahānī lab pe aatī hai kabhī
vo burā kahte haiñ mujh ko aur maiñ taqdīr ko

jo koī aslī hai ThanDā garm yāqūtī meñ kyūñkar ho
na laave taab tere lab kī jo nāmard hai zaatī

aah ye daur ki jis meñ lab-o-ruḳhsār bike
dast-e-fitrat ke banā.e hue shahkār bike

dekho hameñ ki manzil-e-hosh-o-talab meñ haiñ
lekin lab-e-savāl pe taale paḌe hue

zard chehra band lab āñkhoñ meñ aañsū dil pe haath
be-zabānī kī zabāñ thī aur mirā afsāna thā

dīvāna huuñ us dam ki jis dam kaheñ haiñ
shakar-lab bhī kyā ḳhuub shīrīñ bachan hai

garm zamīñ par aa baiThe haiñ ḳhushk lab-e-mahrūm liye
paanī kī ik buuñd na paa.ī bādal bādal ghuum liye

vaa.e nākāmī-e-qismat ki bhañvar se bach kar
lab-e-sāhil pe jo aa.e to kagārā TuuTā

chalo mai-kade meñ basar kareñ ki rahī hai kuchh barakat vahīñ
lab-e-nā-tovāñ kā kabāb hai dam-e-ābvāñ kā sharāb hai

ba-vaqt-e-bosa-e-lab kaash ye dil kāmrāñ hotā
zabāñ us bad-zabāñ kī muñh meñ aur maiñ zabāñ hotā

mere dil ko bhī na hove havas-e-bosa agar
āshnā lab se tire lab na ho paimāne kā

āshiq haiñ ham to 'mīr' ke bhī zabt-e-ishq ke
dil jal gayā thā aur nafas lab pe sard thā