Tags-Lab

vo ḳhauf-e-jāñ thā ki lab kholnā gavārā na thā
sadā.eñ sahmī kuchh aisī suḳhan kā yaarā na thā

teġh-e-nazar se dil par vo vaar karte jaate
aur lab pe yaañ sadā-e-hal-mim-mazīd hotī

patlī gardan patle abrū patle lab patlī kamar
jitnā bīmār aadmī itnā trahdār aadmī

kyā dil-fareb hai tire ḳhvāb-e-girāñ kā husn
tujh se nihāñ tire lab-o-ruḳhsār dekhnā

ham jo pahuñche to lab-e-gor se aa.ī ye sadā
aa.iye aa.iye hazrat bahut āzād rahe

bhuuk ugne lagī hai bastī meñ
tishna-lab log jal talāsh kareñ

chāleñ tamām be-Dhab bāteñ fareb haiñ sab
hāsil ki ai shukr lab ab vo nahīñ rahā tū

thā tū bahā meñ besh par us lab ke sāmne
sab mol terā lāl-e-badaḳhshān bah gayā

zikr aa.e to mire lab se duā.eñ nikleñ
sham.a jaltī hai to lāzim hai shuā.eñ nikleñ

janāb-e-shaiḳh ke lab par ḳhudā kā naam aatā hai
subūhī-kash magar vaqt-e-azāñ kuchh aur kahtā hai

haath patthar ho ga.e lab kapkapāte rah ga.e
vo duā bhī le gayā dast-e-duā bhī le gayā

milte milte rah ga.ī aañkh us kī chashm-e-mast se
hote hote lab-ba-lab sāġhar se sāġhar rah gayā

dil-o-jigar ḳhuun ho chuke haiñ hamāre lab par magar hañsī hai
ham apne afsāna-e-vafā ko kuchh aur rañgīñ banā rahe haiñ

tire karam se hamesha hī ḳhush rahā 'anvar'
mire ḳhudā na kabhī lab pe āh-o-zārī ho

tum ne kisī hijḌe ke lab par
sher kā phuul khile dekhā hai

kashish tujh sī na thī tere ġhamoñ meñ
lab-o-lahja magar haañ hū-ba-hū thā

guftār-o-ān-bān kā aalam na pūchhiye
ḳhush-rañg-o-jāñ-fazā haiñ mire ham-navā ke lab

guft-o-shunīd meñ baḌe bebāk haiñ magar
dekhā mujhe to khul na sake lab-kushā ke lab

bāġhoñ se ham jo guzre to phūloñ ne dī sadā
kitne hasīñ haiñ 'shād' tirī dilrubā ke lab

dil par sitam hazār kare bevafā ke lab
barchhī kabhī kaTār lage dilrubā ke lab