Tags-Lab

gosh-e-dil se kabhī vo haal sune yā na sune
vā maiñ apne lab-e-guftār karūñ yā na karūñ

bah rahā hai muhīb sannāTā
pā-ba-gil sabza-e-lab-e-jū hai

is lab kuuñ kab pasand haiñ rasmī kaToriyāñ
laala ke phuul kī haiñ jise qahva ḳhoriyāñ

duur se dekhne kā 'yās' gunahgār huuñ maiñ
āshnā tak na hue lab kabhī paimāne se

vahī lab-e-ḳhushk par kuchh aaheñ vahī un āñkhoñ meñ kuchh namī sī
mujhe muqaddar se jab milegī matā-e-be-mā.igī milegī

zulmat-e-jumbish-e-lab kī nahīñ ummīd magar
nigah-e-nāz na bhūlegī ishārā karnā

lab pe na.at-e-nabī ravāñ rahnā
aur siine meñ aag ḳhvāhish kī

nigāh o dil se ab tafsīr-o-sharh-e-āzrū hogī
zabān o lab se tark-e-iltijā karne kā vaqt aayā

vo na aa.eñ to ai dam-e-āḳhir
lab pe naam un kā baar baar aa.e

dekh kar ā.ina-e-āb-e-ravāñ
patta patta lab-e-goyā hogā

is shakar-lab kī malāhat dekh kar
munfa.il hoñToñ se paanī ho gayā

hai yaqīnan koī baat aisī ki tum
ho tabassum ba-lab shādmāñ shādmāñ

tujhe yaad hai sabhī jāñ-ba-lab tire rāstoñ meñ khaḌe rahe
ki dam-e-vidā.a tujhe dekh leñ

bose dikhā dikhā ke hameñ le rahā hai ye
kyuuñ itnā be-lihāz tirā ḳhāl-e-lab huā

tashrīf laa.e aap jo maiñ jāñ-ba-lab huā
us vaqt ke bhī aane kā mujh ko ajab huā

ruuTh jaa.e vo mah-jabīñ na kahīñ
lab pe aa jaa.e phir nahīñ na kahīñ

hairat se mire dekhne ko dekhte haiñ kyā
dekheñ to vo apne lab o ruḳhsār ko dekheñ

vahī ruḳhsār o chashm o lab un ke
vahī be-chehragī hamārī hai

vo aa.e bhī to zabt se lab hil na sakeñge
fariyād mirī tishna-e-fariyād rahegī

dekheñ din phirte haiñ kab tak dekheñ phir kab milte haiñ
dil se dil āñkhoñ se āñkheñ haath se haath aur lab se lab