Tags-Lab

tum mutma.in raho ki na dekheñ na kuchh kaheñ
āñkhoñ ke saath saath haiñ lab bhī sile hue

lab pe 'nīlam' ke har dam yahī hai duā aise bandoñ meñ rakhnā use bhī sadā
jin pe terī ināyat kā hai silsila terī rahmat kī jin par nazar ho ga.ī

ab to añgāroñ ke lab chuum ke so jā.eñge
ham vo pyāse haiñ jo dariyāoñ ko tarsā.eñge

har ek aañkh meñ aañsū har ek lab pe fuġhāñ
ye ek shor-e-qayāmat sā kū-ba-kū kyā hai

siine meñ umañgoñ kā vahī shor hai ab tak
vo shoḳhi-e-yak-jumbish-e-lab yaad rahegī

ik nazar-e-karam ke liye kaun umr guzāre
ik bosa-e-lab ke liye kab tak koī tarse

gāliyāñ tanḳhvāh Thahrī hai agar baT jā.egī
āshiqoñ ke ghar miThā.ī lab shakar baT jā.egī

merī nigāh-e-tishna-lab kī sarḳhushī na pūchhiye
ke jab uThī nigāh-e-nāz pī ga.ī pilā ga.ī

us but se mil kar is dil-e-nādāñ ko kyā huā
kyuuñ āh-o-zārī hai lab-e-ḳhandāñ ko kyā huā

tum ik aise shaḳhs ko pahchānte ho yā nahīñ
jis kā chehra boltā hai aur lab goyā nahīñ

ġhubār-e-dard se saarā badan aTā niklā
jise bhī ḳhanda-ba-lab dekhā ġham-zadā niklā

āsmāñ hai ḳhamoshī-e-jāved
maiñ bhī ab lab nahīñ hilāne kā

lab to ḳhāmosh haiñ hasb-e-irshād
dil dhaḌakne kī sadā to hogī

tishna-lab yuuñ to zamāne meñ kabhī ham na rahe
pyaas jo dil kī bujhā detā vo dariyā na milā

āñkhoñ meñ hai lihāz tabassum-fizā haiñ lab
shukr-e-ḳhudā ke aaj to kuchh raah par haiñ aap

'hasrat' use dil-kushā jaise hai dariyā kī sair
mere lab-e-ḳhushk aur dīda-e-tar dekhnā

mai-kade se jo nikaltī hai ḳhamoshī 'rajnīsh'
lab vahīñ sāġhar-e-mai-nosh meñ gir jaate haiñ

sharīr-o-tund havā thī ki rau ma.ānī kī
tamām lafz lab-e-mo'tabar kī gard hue

chun ke jab laatī hai alfāz zabāñ
lab-e-iz.hār ko vā kartā huuñ

maiñ agar chup huuñ ye bahtā huā dariyā kyā hai
lab-kushā huuñ to mirī baat se pahle kyā thā