Tags-Lab

nāz-bardāar-e-lab hai jaañ jab se
tere ḳhat kī ḳhabar ko paatī hai

ye tū jo mohr-ba-lab hai to kis liye 'ḳhāvar'
ye dekh kyā hai tah-e-dil hai aur kyā sar-e-dil

ye kunj-e-lab ye ḳhumār-e-visāl apnī jagah
magar jo hijr musalsal bapā hai barsar-e-dil

basta-lab thā vo magar saare badan se boltā thā
bhed gahre pāniyoñ ke chupke chupke kholtā thā

lab par naam kisī kā bhī ho, dil meñ terā naqshā hai
ai tasvīr banāne vaalī jab se tujh ko dekhā hai

judā hai ne.mat-e-duniyā se lazzat bosa-e-lab kī
vo jogī ho gayā jis ne ye mohan-bhog chakkhā hai

bhuuk ne talḳhiyāñ bhar dī haiñ lab-o-lahje meñ
zahr fāqoñ meñ ghulā ho to ġhazal kyā kahiye

vasf-e-chashm o vasf-e-lab us yaar kā kahne ko haiñ
aaj ham dars-e-ishārāt-o-shifā kahne ko haiñ

lab pe phir naam vahī husn vahī āñkhoñ meñ
ai dil-e-zār yahī terī shakebā.ī hai

tum samundar kī rifāqat pe bharosa na karo
tishnagī lab pe sajā.e hue mar jāoge

mire naale haiñ ki azal abad tire ishve haiñ ki lab-e-masīh
vahāñ kun kā ġhalġhala vo bane yahāñ qum kī ye jo sadā hue

kis maraz kī haiñ davā ye lab-e-jāñ-baḳhsh tire
jāñ-ba-lab haiñ tire āzār-e-mohabbat vaale

zabān band hai āñkhoñ ke band rahne tak
khulegī aañkh to kholegā lab koī na koī

āñkheñ muuñd kināre baiTho man ke rakkho band kivāḌ
'inshā'-jī lo dhāgā lo aur lab sī lo ḳhāmosh raho

irāda gar kiyā dushnām dene kā ab ai pyāre
to lab se lab milā kar bas tirī khā leñge gaalī ham

yā āshna-e-ramz talab hī na thī zabāñ
lab vā hue to hausla-e-guftagū na thā

merī rag rag meñ hai mauj-e-zindagī raqsāñ magar
ik lab-e-jāñ-baḳhsh ko tarsā huā paimāna huuñ

de kabhī bosa-e-chashm-o-lab-e-jāñ-baḳhsh bhī jaañ
sirf sauġhāt hameñ bosa-ba-paiġhām na bhej

dam-ba-dam bheje hai quliyāñ hī ko kyā muñh se lagā
lab se bhī lab ko milā bosa-ba-paiġhām na bhej