Tags-Lab

phir vahī qumquma-e-shab kī tarah ḳhanda-e-lab
kahe jaatā hai: chalī aao, chalī bhī aao

ham tirī sūrat-e-inkār ko pahchānte haiñ
vo tabassum tū sharīk-e-lab-e-goyā.ī kar

tabassum lab par āñkhoñ meñ namī hai
ḳhudā jaane ye ġham hai yā ḳhushī hai

tujh se mil kar bhī tamannā hai ki tujh se miltā
pyaar ke ba.ad bhī lab rahte haiñ larzāñ jaise

ba-lab chūse hue kyuuñ kar nahīñ haiñ
ki haiñ gul-barg lekin tar nahīñ haiñ

kareñ lab ko na ālūda kabhī harf-e-shikāyat se
shi.ār apnā banāyā sheva-e-sabr-o-razā ham ne

har sub.h tirī chashm-e-fusūñ-sāz kā ġhamza
har shaam tire lab se hañsī phuuT paḌī hai

parī-ruḳh-e-man shakar-lab-e-man va mai tū baaz aa ba-pesh-e-chashmam
ba-yād-e-sarv-e-tū be-qarāram nihāl-e-ishqat shud-ast baalā

payām-e-zer-e-lab aisā ki kuchh sunā na gayā
ishāra paate hī añgḌā.ī lī rahā na gayā

ḳhaak the ġhuncha-lab aur ḳhvāb thī lahje kī khanak
jhaḌ gayā qabr meñ jab husn-e-sarāpā kā namak

lab pe nahīñ ātīñ sab bāteñ
ḳhāmoshī ko bhī samjhā kar

ro.e haiñ ham zarūr 'shād' tab to hai lab pe āh-e-sard
meñh na baras gayā to phir ThanDī havā kī vaj.h kyā

vo armāñ jo kisī ke shoḳh hoñToñ par machaltā thā
vo armāñ bosa-e-lab kā vo armāñ yaad aatā hai

maiñ dūsroñ se bhī kuchh dād-e-zabt-e-ġham pā.ūñ
har ek lab pe mire dil kā mudda.ā likh do

kaam āñkhoñ se na lete to bhalā kyā karte
dard pinhāñ the bahut par lab-e-iz.hār na thā

vahī mire liye vaj.h-e-nashāt-e-rūh thā 'nāz'
vo ik tabassum-e-rañgīñ jo zer-e-lab Thahrā

dandān-e-havas se use masla hai kisū ne
bose se to lab par ye nilāhaT nahīñ aatī

mai-chakāñ bāda-nishāñ the lab-e-gul-rañg kabhī
lab-e-gul-rañg pe zaḳhmoñ kā gumāñ hai ki nahīñ

rukā rukā tire lab par ajab suḳhan thā koī
tirī nigah bhī jise nā-tamām chhoḌ ga.ī