Tags-Lab

phir lab-e-bām chamaktī huī āñkheñ dekhīñ
phir gunāhoñ ke havas-kār ishāre chamke

daftar kī thakan oḌh ke tum jis se mile ho
us shaḳhs ke taaza lab-o-ruḳhsār to dekho

zabāñ par aah rahī lab se lab kabhū na milā
tirī talab to milī kyā huā jo tū na milā

dekh kar bādaloñ kā umaḌtā hujūm
lab pe sūraj ke kuchh gungunā rah gayā

sat.h-e-āb kah paa.e kyā tahoñ ke afsāne
sāme-e-lab-e-sāhil bahr se bhī gahrā maiñ

har lab pe gudgudī kā asar dekhtā huuñ maiñ
mahfil meñ un kī shoḳhī-e-āvāz dekhnā

mauj o girdāb o talātum kā taqāzā hai kuchh aur
rahiye mohtāt to bas tā-lab-e-sāhil rahiye

bosa jo ruḳh kā dete nahīñ lab kā dījiye
ye hai masal ki phuul nahīñ pañkhuḌī sahī

ye ġhaflat ke parde bhī dil se haTā de
duā lab pe mere ye aane lagī hai

us ātishīñ-rū ko ba-lab-e-bām jo dekhā
aalam ne kahā gumbad-e-gardāñ meñ lagī aag

niiñ bhūlne kā misl-e-jaras kī fuġhāñ ke ta.iiñ
nālāñ huuñ dil agarche lab-e-ārmīda huuñ

bismil huuñ dil-figār huuñ aur jāñ-ba-lab huuñ aah
sūrat ayaañ hai naale kī halq-e-burīda huuñ

jo shikāyat-e-ġham-e-zindagī kabhī lab par apne na lā sake
vo shab-e-firāq kī dāstāñ bhalā kyā kisī ko sunā sake

kahtā hai merā naala lab tak maiñ aate aate
sau jā thamā huuñ rah meñ is darja nā-tavāñ huuñ

khīñchī ajiib karb se sāhil ne āh-e-sard
goyā sukūt bar-lab-e-tūfāñ hai in dinoñ

maiñ tere zikr kī vaadī meñ sair kartā rahūñ
hamesha lab pe tire naam kī miThās rahe

mirī lag rahīñ chhat se āñkheñ haiñ dekho
musharraf kab is se lab-e-bām hogā

tamāzat hirs kī had se baḌhī hai
samundar ḳhud huā hai tishna-lab likh

ai ġhuncha-dahan bas lab-e-mai-gūñ ko tanik muuñd
dil tañg kahāñ tak ho dil-e-tañg-e-ḳharābāt

apnī to fahm meñ vahī hañgām ai 'nazīr'
majmūa-e-hayāt kā lubb-e-lubāb thā