Tags-Lab

jo marīz thā paḌā jāñ-ba-lab ḳhabar aur kuchh nahīñ us kī ab
magar itnā kahte haiñ log sab ki baḌā ye nek-ḳhisāl thā

pasand haiñ tum ko bhīgī āñkheñ larazte lab aur udaas chehre
visāl kā jab irāda karnā mujhe bhī rañg-e-malāl denā

bikhrī zulfeñ uljhī bāteñ aañkh meñ shoḳhī lab pe tabassum
khaltī kaliyāñ jhūmtī Daalī hashr sarāpā kyā nahīñ dekhā

phir phuul barasne lage lafzoñ ke dahan se
phir baat kisī ke lab-o-ruḳhsār kī niklī

'sahar' tum us se mulāqāt kaise karte ho
vo shaḳhs ab to lab-e-bām bhī nahīñ hotā

lab se dil kā dil se lab kā rābta koī nahīñ
hasrateñ hī hasrateñ haiñ mudda.ā koī nahīñ

ye bazm-e-chashm-o-lab hai mirī jaañ abhī na jā
baḌhne de rābte ye savāl-o-javāb ke

ai 'zafar' charḳh pe ḳhurshīd jo yuuñ kāñpe hai
jalva-gar aaj kahīñ yaar lab-e-bām na ho

jis ko samjhe lab-e-pāñ-ḳhurda vo mālida-misī
mardumāñ dekhiyo phūlī vo kahīñ shaam na ho

shikast-e-paimāñ kā ham ko aadī kiyā hai ik mast-e-nosh-e-lab ne
ba-maslahat ham hue haiñ taa.ib ye tauba āḳhir shikastnī hai

zaqan hai seb to unnāb hai lab-e-shīrīñ
nahīñ hai sarv vo ḳhush-qad jo meva-dār na ho

kareñ vo jo chāheñ kaheñ vo jo chāheñ
maiñ pāband-e-ulfat mire lab siye haiñ

us gird-o-navāh meñ mahkī thī
vo naġhma ba-lab laale kī kalī

lab-e-jāñ-baḳhsh par kyā fauq dete chashm-e-fattāñ ko
ki 'anjum' kuchh tamīz-e-haqq-o-bātil ham bhī rakhte the

miTe habs-e-jāñ koī lab to hile
uḌī baat ko ab havā deñge ham

yaad itnā hai mire lab pe fuġhāñ aa.ī thī
phir ḳhudā jaane kahāñ dil kī ye āvāz ga.ī

misī-ālūd lab chūse jo us ke balbe shīrīnī
mazā aayā mire muñh meñ siyah ponDe kī puurī kā

us lab o chashm se hai zindagī o maut apnī
ki kabhī pal meñ jalāyā kabhī pal meñ maarā

āñkhoñ pe ek jādū-e-zulmat sā chhā gayā
haul-e-āfrīñ hayyūloñ ke jumbish meñ aa.e lab

muḳhtalif naġhme se hai qalb-e-muġhannī kā raaz
jo lab-e-sāz pe bhī bazm meñ laayā na gayā