Tags-Lab

bāġhoñ se ham jo guzre to phūloñ ne dī sadā
kitne hasīñ haiñ 'shād' tirī dilrubā ke lab

dil par sitam hazār kare bevafā ke lab
barchhī kabhī kaTār lage dilrubā ke lab

ma.asūmiyat to dekhiye ba.ad-e-shab-e-zifāf
ma.ashūq shikva-sanj huā hai dikhā ke lab

koft se jaan lab pe aa.ī hai
ham ne kyā choT dil pe khaa.ī hai

hai tasanño ki laal haiñ ve lab
yaanī ik baat sī banā.ī hai

mere chehre pe raunaq thī lab pe hañsī
in dinoñ jab zamāna zavāloñ meñ thā

jab udaas āñkheñ diloñ se guftugū karne lageñ
phir to lab bekār hī zikr-e-pashemānī kareñ

bose kī to hai ḳhvāhish par kahiye kyūñki us se
jis kā mizāj lab par harf-e-savāl bāñdhe

gir rahe haiñ badan pe shāḳh se phuul
chhū rahī hai sabā lab-o-ruḳhsār

rañj itne mile zamāne se
lab chaTaḳhte haiñ muskurāne se

kis harf pe tū ne gosha-e-lab ai jān-e-jahāñ ġhammāz kiyā
elān-e-junūñ dil vāloñ ne ab ke ba-hazār-andāz kiyā

lab-e-ḳhāmosh ko vā kar zālim
ye hai iqrār ki inkār khule

barg-e-gul jaise havā ke ruḳh par
kis latāfat se lab-e-yār khule

zer-e-lab ik lafz ne kaisā hameñ chauñkā diyā
pal hī pal meñ 'ḳhānqāhī' sab hama-dānī ga.ī

lab-e-sukūt pe ik harf-e-be-navā bhī nahīñ
vo raat hai ki kisī ko sar-e-duā bhī nahīñ

lab-e-mansūr se dī kis ne anal-haq kī sadā
tū agar parda-e-pindār meñ pinhāñ na huā

vo ek bastī jo so ga.ī hai udaas be-nām ho ga.ī hai
ba-harf-o-saut ab bhī chīḳhtī hai ba-chashm-o-lab mujh meñ jāgtī hai

barg-e-gul aa maiñ tere bose luuñ
tujh meñ hai Dhañg yaar ke lab kā

khaa.ī hai ik na.ī miThā.ī aaj
bosa paayā hai yaar ke lab kā