Tags-Lab

shorish-e-bātin ke haiñ ahbāb munkir varna yaañ
dil muhīt-e-girya o lab āshnā-e-ḳhanda hai

mar ga.e us ke lab-e-jāñ-baḳhsh par
ham ne ilaaj aap hī apnā kiyā

kahīñ chehra kahīñ āñkheñ kahīñ lab
hamesha ek miltā hai ka.ī meñ

abhī hijāb sā haa.il hai darmiyāñ meñ 'atā'
abhī to hoñge lab-o-harf rāz-dāñ phir se

shikast-e-rañg-e-tamannā ko arz-e-hāl kahūñ
sukūt-e-lab ko taqāzā-e-sad-savāl kahūñ

tujh ḳhatt-e-pusht-e-lab meñ tis kā suḳhan huā sabz
us kī zabāñ dahan meñ mānind-e-barg-e-pāñ hai

vo dast-e-talab huuñ jo duā ko nahīñ uThtā
jo lab pe kisī ke nahīñ aa.ī vo duā huuñ

jab tujh se zarā ġhāfil Thahre har yaad ne dil par dastak dī
jab lab pe tumhārā naam na thā har dukh ne pukārā us din thā

tere lab par tire ruḳhsār kī lau paḌtī hai
tāb-e-ḳhurshīd se mahtāb jalā.e hue shaḳhs

siina hai chāk-e-jigar paara hai dil sab ḳhuuñ hai
tis pe ye jān-ba-lab āmada bhī mahzūñ hai

kyūñke be-bāda lab-e-jū pe chaman meñ rahiye
aks-e-gul aab meñ taklīf-e-mai-e-gul-gūñ hai

kaun aayā yahāñ chal paḌīñ āñdhiyāñ kaun vīrān kar ke gayā gulsitāñ
kis ne rakh diiñ lab-e-gul pe chiñgāriyāñ ye kise hai pata tū use bhuul jā

lab-e-jānāñ pe fidā āriz-e-jānāñ ke nisār
shām-e-rañgīñ kī qasam sub.h-e-daraḳhshāñ kī qasam

ḳhudā pe jab se burā vaqt aa gayā 'qaisar'
hubal ke lab pe hai naġhma manāt raqs meñ hai

us lab-e-shīrīñ pe merā ek baar aayā jo naam
maiñ ye samjhā ḳhushtarī pahlū-e-qismat vā huā

sunāte haiñ mujhe ḳhvāboñ kī dāstāñ aksar
kahāniyoñ ke pur-asrār lab tumhārī tarah

nazar se guftugū ḳhāmosh lab tumhārī tarah
ġhazal ne sīkhe haiñ andāz sab tumhārī tarah

jo na nikle kabhī dil se vo tamannā achchhī
jo na aa.e kabhī lab tak vo savāl achchhā hai

vo ek laḌkī jo ḳhanda-lab thī na jaane kyuuñ chashm-tar ga.ī vo
abhī to baiThī sisak rahī thī abhī na jaane kidhar ga.ī vo

bhuul kar bhī koī harf-e-dil-shikan lab par na lā
haq to ye hai dūsre ke dil ko apnā dil samajh