Tags-Lab

lab-e-gudāz pe alfāz-e-saḳht rahte haiñ
zabān-e-ġhair ke lahje karaḳht rahte haiñ

na koī shakl thī dil meñ na lab pe naam koī
tamām umr mujhe intizār kis kā thā

halq meñ chubh rahe haiñ kāñTe se
lab pe gul-hā-e-tar kā qissa hai

pesh-e-ḳhudā chalo to maza jab hai ai 'hafīz'
na.ara ho lab pe ashhado-an-lā-ilāh kā

na zaqan hai vo na lab haiñ na vo pistāñ na vo qad
seb o unnāb o anaar ek shajar se nikle

ab to hañsī bhī ḳhatm hai afsurdagī bhī ḳhatm
lab-basta-e-azal tujhe kitnā hañsā.ūñ maiñ

dil kis kī teġh-e-nāz se lazzat-chashīda hai
har zaḳhm shauq se lab-e-hasrat-gazīda hai

lab-e-naushīn-e-yār kī ḳhātir
dil se shīrīni-e-hayāt ga.ī

hāl-e-dil phuul se chehroñ ko sunāne ke liye
maiñ lab-e-zamzama-parvāz kahāñ se lā.ūñ

aayā hī thā abhī mire lab pe vafā kā naam
kuchh dostoñ ne haath meñ patthar uThā liye

jis taar ko chheḌeñ vahī fariyād-ba-lab hai
ab ham se 'adam' saaz bajāyā nahīñ jaatā

ek sahrā kī tarah maiñ tishna-lab
ek naddī kī tarah sairāb vo

va.ade kā naam lab pe na aa.e payām-bar
kahnā faqat yahī ki bahut din guzar ga.e

socho to kuchh na samjho samjho to kuchh na bolo
phir chup kā husn dekho bekār lab na kholo

lab kuchh bhī kaheñ is se haqīqat nahīñ khultī
insān ke sach jhuuT kī pahchān haiñ āñkheñ

naġhma vo kis ne chheḌā hai bichhḌe hue ġham sab aan mile
āvāz kī lahroñ par larzāñ sau mohr-ba-lab tasvīreñ haiñ

lab tabassum meñ ho ga.e mashshāq
dil magar sogvār rahtā hai

is shahr-e-tilismāt kā dastūr ajab hai
har shaḳhs fasurda hai magar ḳhanda-ba-lab hai

un ke lab par kabhī to bhūle se
naam merā bhī aa gayā hogā

sukūt-e-mayyat-e-'fānī' hai ik fasāna-e-shauq
lab-e-ḳhamosh se har mudda.ā ko paa.e jā