Tags-Lab

lab pe kuchh baat aa.ī jaatī hai
ḳhāmushī muskurā.ī jaatī hai

badan gul chehra gul ruḳhsār gul lab gul dahan hai gul
sarāpā ab to vo rashk-e-chaman hai Dher phūloñ kā

dariyā haiñ 'mīr'-o-'ġhālib' har lab pe jo ravāñ haiñ
'faiz' o 'firāq' aur 'dāġh' har dil pe hukmarāñ haiñ

lab-kushā.ī kī ijāzat jo nahīñ hai na sahī
merī palkoñ se mire ashk to Dhal jaane do

lab pe hai nāra-e-alast jhuum rahā hai koī mast
chhā.ī hai aisī be-ḳhudī apnī use ḳhabar nahīñ

bosa kī evaz hote haiñ dushnām se masrūr
itnā to karam ham pe bhī hai yaar ke lab kā

va.ada vo tumhārā hai ki lab tak nahīñ aatā
matlab ye hamārā hai ki bātoñ meñ adā ho

log lab-basta agar hoñ to nikal aatī haiñ
chup ke pairāya-e-iz.hār se bāteñ kyā kyā

rūh-e-pazh-murda-e-taḳhayyul lab-o-mus.haf-e-nāz
is udāsī kā sabab mere ta.iiñ tū bhī nahīñ

paivasta nahīñ mirā lab-e-shauq
tere lab par tirī hañsī hai

dil ḳhatā-vār-e-ishtiyāq sahī
lab gunahgār-e-iltijā na huā

ajī jaatī hai aaj tū vasl kī shab nahīñ kyuuñ hai milāyā laboñ se ye lab
mujhe ab to uḌāne de aish tū ab tujhe apne hai mehr-o-vafā kī qasam

do abrū aur do lab-e-jāñ-baḳhsh yaar ke
zindoñ ko qatl kar chuke murde jilā chuke

jab hukm ho gayā hai ki nāla-ba-lab raheñ
phir vahm kyā hai zahr kī tāsīr kuchh bhī ho

be-sadā gumbad-e-ehsās huā mohr-ba-lab
phuul ke dard kā qissa koī kāñTā jaane

bosa-e-lab dil-e-shikasta ko
momyā.ī nahīñ to phir kyā hai

kisī ke lab pe jo aa.e naved-e-zīst bane
vahī hadīs-e-vafā jis pe e.atibār na ho

kaisī vīrāñ hai guzar-gāh-e-ḳhayāl
jab se vo aariz o lab yaad nahīñ

sher-e-vatan ke pyāle pe thiiñ kal ziyāfateñ
aayā jo tā-ba-lab to faqat sam sā rah gayā

vahī zanjīr hai tere bhī gale meñ 'rāhīl'
jis ne sūraj ko lab-e-bām bhī rahne na diyā