Tags-Adoo

hai tīr-e-nigah bazm-e-adū meñ mirī jānib
ġhusse meñ chhupāyā hai mohabbat kī nazar ko

falak bhī jo chāhe to achchhe na hoñge
hamārā adū hai masīhā hamārā

tanhā na phiro 'amīr' shab ko
hai ghaat meñ har adū tumhārī

mujhe hai sadma-e-hijrāñ adū ko saikḌoñ ḳhushiyāñ
mire ujḌe hue ghar ko bharī mahfil se kyā nisbat

ādamiyat nahīñ tujh meñ ye adū kī hai ġharaz
yuuñ parī kahne meñ maanā tirī tahqīr nahīñ

māñgoñ duā-e-marg to āmīñ kahe adū
ab un kī bad-duā hai mire mudda.ā ke saath

maiñ ne maanā ki adū bhī tirā shaidā.ī hai
farq hotā hai fidā hone meñ mar jaane meñ

mire sabr ne bhī ġhazab kiyā ki adū kī jaan pe ban ga.ī
ye kahāñ kī choT kahāñ lagī ye kahāñ kā dard kahāñ uThā

tire aage adū ko nāma-bar maarā to kyā maarā
na maarā jaañ se jis dam us ko gar maarā to kyā maarā

adū ke shahr meñ kab be-asar huuñ
ḳhudā kā shukr hai jo mo'atabar huuñ

shab-e-visāl adū kī yahī nishānī hai
nishān-e-bosa-e-ruḳhsār dekhte jaao

ġhazab ye hai ki adū kā jhuuT sach Thahre
ham un se haq bhī kaheñ to gumān-e-bātil ho

chheḌā adū ne ruuTh ga.e saarī bazm se
bole ki ab na baat kareñge kisī se ham

gavāh-e-vasl-e-adū sar jhukā ke dekh na lo
ye band band judā haiñ qabā ke dekh na lo

us ne āshiq likhā adū ko laqab
haa.e likkhā mire muqaddar kā

mujhe nahīñ na sahī ho adū ko chain nasīb
bashar kā dukh hai mujhe maiñ bashar gazīda sahī

mirā adū mire qadmoñ meñ Dher ho jaatā
ye mo.ajiza mire mālik tujhe dikhānā hai

halāk hotā hai kab koī dūsroñ ke liye
kiyā jo ġhaur to ham apne hī adū nikle

le jaa.eñ mujh ko māl-e-ġhanīmat ke saath adū
tum ne to Daal dī hai sipar tum ko is se kyā

maiñ aa.uuñ aap ke ghar kyā mujhe Darāte haiñ
adū ke naqsh-e-qadam chashm-e-qadam chashm-e-pāsbāñ kī tarah