Tags-Majburi

majbūrī o dāvā-e-giraftāri-e-ulfat
har ahd meñ tahzīb ne ye Dhoñg rachā hai

sī diye hoñT usī shaḳhs kī majbūrī ne
jis kī qurbat ne kiyā mahram-e-asrār mujhe

ye pīrān-e-kalīsā-haram ai vā-e-majbūrī
sila in kī kad-o-kāvish kā hai sīnoñ kī be-nūrī

ab mirā chup-chāp rahnā amr-e-majbūrī sahī
maiñ ne kholī hī zabāñ kab thī shikāyat ke liye

majbūrī o dāvā-e-giraftāri-e-ulfat
dast-e-tah-e-sañg-āmda paimān-e-vafā hai

aah 'sābir' jab huā merā safīna ġharq-e-āb
maiñ thā majbūrī thī aur koī lab-e-sāhil na thā

majbūrī thī sabr kiyā hai paañv ko toḌ ke baiTh rahe haiñ
nagrī nagrī dekh chuke haiñ dvāre dvāre jhāñk liyā hai

hai jiine vāloñ kī ḳhātir ye kaisī majbūrī
na zindagī kā farāġh aur na zindagī se farāġh

vo majbūrī nahīñ thī ye adākārī nahīñ hai
magar donoñ taraf pahlī sī sarshārī nahīñ hai

idhar se bhī hai sivā kuchh udhar kī majbūrī
ki ham ne aah to kī un se aah bhī na huī

dil kī majbūrī se baḌh kar koī majbūrī na thī
ham bhī kuchh karte agar ḳhud se rihā.ī dekhte

dostī ko apnī majbūrī nahīñ samjhā kabhī
fāsla maiñ ne barābar darmiyāñ rahne diyā

samajhte haiñ jise manzil fareb-e-rāh-e-manzil hai
magar chup huuñ ye majbūrī sharīk-e-kārvāñ ho kar

mire ġham meñ vo majbūrī se un hāloñ ko pahuñche haiñ
ki ab un kī nazākat nā-tavānī hotī jaatī hai

milne kī har aas ke pīchhe an-dekhī majbūrī thī
raah meñ dasht nahīñ paḌtā thā chaar gharoñ kī duurī thī

TūTtī jaatī haiñ ummīdoñ kī zanjīreñ magar
Thokareñ khāne ko majbūrī kā ik sahrā to hai

ḳhamoshī ek majbūrī takallum ek mahrūmī
kisī se kah nahīñ sakte magar kahnā hī paḌtā hai

merī majbūrī ne oḌhā thā ġhilāf-e-maslahat
zahar lagtī thī magar us ko ''honey'' kahtā thā maiñ

kiye junūñ meñ yahāñ tak sujūd-e-majbūrī
ki āstāñ se tire iḳhtiyār le ke uThā

aap mohsin haiñ magar khel kī majbūrī hai
dil to aatā hī nahīñ raah meñ sultānī tak