Tags-Manzil

kaise tai hogī ye manzil-e-shām-e-ġham kis tarah se ho dil kī kahānī raqam
ik hathelī meñ dil ik hathelī meñ jaañ ab kahāñ kā ye sūd-o-ziyāñ dosto

ajal se pahle sabā le uḌī sar-e-manzil
kahāñ pe aayā hai kaam apnā nā-tavāñ honā

chale jo dhuup meñ manzil thī un kī
hameñ to khā gayā saaya shajar kā

ḳhud hī apnā rasta dekh rahā huuñ maiñ
ḳhud hī apnī manzil hone vaalā huuñ

chalte rahiye manzil manzil
is āñchal ke saa.e saa.e

rah-rav-e-shauq hai begāna-e-manzil varna
kūcha-e-dār kahāñ kūcha-e-dildār kahāñ

ḳhvāhishoñ kī manzil par
hasratoñ ke raste meñ

ravāñ-davāñ hai idhar umr jānib-e-manzil
idhar ye jaam safar meñ rahe to achchhā hai

kahāñ kā rahnumā aur kaisī rāheñ
jidhar baḌhtā huuñ manzil dekhtā huuñ

jahāñ manzil kā imkāñ hī nahīñ hai
vahāñ āsār-e-manzil dekhtā huuñ

mohabbat hī mohabbat hai jahāñ par
mohabbat kī vo manzil dekhtā huuñ

duur hai manzil-e-āfāq dukhī baiThe haiñ
saḳht hai paañv kī zanjīr utartī bhī nahīñ

shāyad ki multafit ho koī shahsavār-e-nāz
kis aarzū se ham sar-e-manzil khaḌe rahe

manzil jise samajhte the yārān-e-qāfila
pahuñche jo us jagah to faqat sañg-e-mīl thā

jā-e-qayām manzil-e-hastī na thī 'amīr'
utre the ham sirā meñ ki kos-e-safar bajā

mujhe aa gayā yaqīñ sā ki yahī hai merī manzil
sar-e-rāh jab kisī ne mujhe daf.atan pukārā

us ne manzil pe lā ke chhoḌ diyā
umr bhar jis kā rāstā dekhā

vo jo duniyā kī haqīqat ko samajh le insāñ
apnī manzil kī taraf sīna-sipar jaatā hai

masāfatoñ ko mile manzil-e-talab 'naināñ'
vafā kī raah meñ apnā Thikāna chāhtī huuñ

hai jidhar merī manzil-e-maqsūd
maiñ udhar jā rahā huuñ bhāgā bhaag