Tags-Manzil

ai dil ye junūñ kī manzil hai kuchh sūd-o-ziyāñ kī fikr na kar
har gaam pe yaañ rahrav ke liye āġhāz bhī hai anjām bhī hai

uTho bāvle ab tumheñ kis tamannā ne manzil kā dhokā diyā hai
ki tum saañs kī oT meñ chup khaḌe sochte ho

maiñ sikandar thā magar āḳhirī manzil kī taraf
le ke ik TuuTī huī khaaT ga.ī merā vajūd

tum 'hafīz' ab ghisaTne kī manzil meñ ho
daur-e-ayyām pahiya hai ġham haiñ pahe

āsmāñ thā tum the yā merā sitārā kaun thā
merī har manzil masāfat se badaltā kaun thā

rahzan ho to phir saath chale aate ho kyūñkar
rahbar ho to manzil kā pata kyoñ nahīñ dete

shor-e-dariyā-e-vafā-e-ishrat ishrat-e-sāhil ke qarīb
ruk ga.e apne qadam aa.e jo manzil ke qarīb

ishq hai aisā safar jis kī koī manzil nahīñ
ya.anī ik kashtī ki jis ke vāste sāhil na ho

ḳhatm hone ko safar hai saath chhūTā jaa.e hai
chāhtā hai dil mirā manzil abhī hāsil na ho

kyuuñ aise safar par nikle ho manzil nahīñ jis kī koī bhī
kyuuñ aisī raah pe chalte ho saa.e bhī jahāñ dīvār hue

sar-e-manzil koī manzil na milī
ik safar aur safar meñ dekhā

karb-e-manzil kā ho kyā ehsās in ashjār ko
jin ke saa.e meñ musāfir koī Thahrā hī nahīñ

bhaTke hue the aise ki gard-e-safar ko ham
muḌ muḌ ke dekhte rahe manzil guzar ga.ī

bhar tū sitāra-vār uḌāneñ falak ke paar
aur lā-makāñ se phir koī manzil kashīd kar

ḳhudā ke vāste pahuñchā de koī manzil tak
bichhaḌ gayā huuñ mujhe kārvāñ nahīñ miltā

haqīqī ishq kī ishq-e-majāzī pahlī manzil hai
chalo sū-e-ḳhudā ai zāhidoñ kū-e-butāñ ho kar

rastoñ ko soch soch pareshān haiñ sabhī
manzil ko khoj khoj sisaktī hai zindagī

sūraj ke ufuq hote haiñ manzil nahīñ hotī
so Dhaltā rahā jaltā rahā chaltā rahā maiñ

duur hotī hai rah-e-ġhurbat meñ kosoñ kī thakan
jab kisī manzil pe koī ham-safar paatā huuñ maiñ